圓鐵板燒

Open Now

Now Closed

想食和牛套餐想高質又食得抵？咁呢間圓鐵板燒就啱晒你。呢度有近尖沙咀站，行完街過嚟食飯啱晒。而且七百幾蚊，但好多嘢食，絕對夠飽！我哋一次過食咗三款牛肉：有日式嘅宮崎和牛，有美國嘅安格斯牛，仲有澳洲和牛。三款肉嘅肉味，口感，油脂度都唔同，一次過試晒，你話係咪好抵？唔單止咁樣，我最鍾意佢個和牛炒飯，因為無論係雞蛋定係炒飯底，都係即場煎熟同架加飯炒起，夠晒乾爽。七百幾蚊仲包埋食海鮮，有蝦有鮑魚，有比目魚，而且份量一啲都唔孤寒，樣樣都夠大份。我哋仲叫咗特飲， 有咸檸雪碧，蜂蜜綠茶，解番咸香味，非常好！總括嚟講，滿足，回頭率好高！