吉利尼 (Closed)

芸芸星馬菜連鎖店中，吉尼利是我心中的最愛。無論係食物、價錢、服務都係第一的。尖東分店最方便，食過幾次，今日入到屯門又再食佢。 睇睇餐牌，加左幾款新野。叫左兩個set lumch。馬來米暹做得唔錯。米粉質地唔會太淋，有咬口。四大件虾肉尚算爽口。最愛嘅豆卜已配上洋葱粒甜醬汁，豆卜索哂d 汁，正呀！撈米個款醬就少少辣，相當惹味！ 另外一試新野，香茅豬扒飯。即叫即煎，都要等一陣。 兩大塊豬扒大過你塊面呀！豬扒好香，煎得香脆乾身，肥膏唔多，唔油膩。配上兩款醬，點豉油就幾夾，但另外個隻似係海南雞嘅朋友多d。最後一定要加錢食咖椰多士喇！不過依家貴左，要$12。 個咖椰醬落得夠哂多，由於唔係太甜，所以絕對食得哂。個醬好香，有少少似奶黃味咁，夾上一塊牛油，就算罪惡感標食都要食呀！一如以往，一杯熱淡奶奶茶。 記住哩到會幫你加埋糖，所以怕甜就一定要叫少甜。哩到無加一，餐具都係自己拎。但係哩到我感受到加一嘅服務。要求加醬料，待應好快送上。收拾枱面時亦十分禮貌。最後見我飲完奶茶，幫我收左杯後仲送上熱水一杯。吉尼利，我點可以唔愛你呢！