canton pot (Closed)

涼風有信，秋月無邊話說近日有朋老友話book咗枱請我食飯本來就唔係好得閒，諗住唔去，但係知佢仲意食蟹，呢個蟹當造時節點唔得閒都要陪吓呢個老死嚟到餐廳店員帶咗我入房之後，發覺有煲粥喺度，原來佢地兩日前訂定咗隻阿拉斯加蟹，今日諗住食蟹粥，個fd見到我比本ipad menu就話“我地4個人,你仲意食咩叫咩“頁頁都咁多花款，真係唔知點揀，侍應就走入嚟幫我地精選同落單話咁快嘢食上齊，我地有理無理就一人一碗蟹粥先，蟹粥非常綿，長過手臂嘅蟹腳非常鮮甜，加埋䓤花，生菜同薄脆，真係正到無得頂正當我地嘅粥底見天時，個侍應入嚟話仲有啲粥底加埋比我地，非常貼心之後我地用個菇湯打邊壚，試佢地推介嘅綿羊豬同羊肚菌餃，兩者都好新鮮好食卜卜脆嘅炸響鈴我地都有叫，因為係即炸嘅，脆卜卜無油積味，ok雖然無叫好多嘢食，但有個粥打底基本上夠飽，但係我地仲未停口皆因侍應話呢度有好多款甜品，問我地要唔要，我地心諗雖然好多款，我地就叫佢出啲最多人食，最好食，一人兩個，唔可重覆，共八個嘅比我地之後我地個肚皮就杯具鳥，因為每樣都超水平，落樓時差啲行唔到