貓咪貓咪HOME (Closed)

雖然我有養貓，但貓奴仍然想比更多喵喵征服，有日去完另一間cafe落樓就見到呢間貓貓café嘅易拉架，就決定今日來試下。cafe的入口比較隱蔽，係後巷上升降機先去到。一開門就已經有隻喵喵訓係門口，客人記住要先除鞋放係鞋架上，廢事帶細菌比喵喵！cafe地方唔大，有6-7張枱，中間就係喵喵活動空間啦。cafe仲列出「愛貓守則」，大家記住遵守啦！ 我地都好肚餓，所以首先叫左牛油雜菌香草忌廉意大利麵$88菌類只有一款，但意粉煙韌入味，隻碟有貓圖案好得意！整體份量就唔多亦較普通，下次會想試下香辣海鮮意大利飯。之後再叫貓咪貓咪Home精選 $88 (餡料有辣肉腸，煙肉，粟米同車打芝士等)Pizza 8吋有6塊，夠兩個人食。pizza底係好脆身的薄皮， 辣肉腸，煙肉同粟米份量剛剛好，芝士仲做到小拉絲，好味！唯一建議係茄膏可以多d，咁味道會更濃郁！