米炊

Open Now

Now Closed

佢新開咗冇幾耐都想嚟試下啦～除咗女嘅侍應係服務幾好同埋佢個蓮藕係爽脆清甜之外，可以話真係一無是處。叫做一個蘋果燒汁煎牛舌飯轉烚菜，同埋一個忌廉蘑菇汁牛腰柳蛋包飯。個男侍應送啲菜上嚟開口講係乜嚟都唔制，就咁放喺中間，要問先講。蘋果燒汁味道合理，煎牛舌煙煙靭靭，忌廉蘑菇汁探熱無味，牛腰柳煙煙靭靭。係佢蓮藕幾好食。其實好地地啲菜幫手煎下佢 燒下佢 炒下佢都好丫係要清水烚咁健康。講健康我就唔嚟呢間度食啦……其他嘢冇試過，亦都唔會有興趣再試。三百幾蚊埋單，食落同中學年代去旺角cafe一模一樣。另外，個男侍應埋單又係無口，幾錢唔講，請你對一對單唔講，收你啲乜嘢唔講，好彩仲識講句多謝。