外灘拾號 (Closed)

新開的餐廳，有朋友想試，我地就去試下啦！講真地點都方便，而且好闊落。係有一陣好輕微的霉味， 可能空氣唔算好流通。 我地三個人叫左一隻片皮鴨百多元，兩個菜，生煎包，同埋一個心太軟。 生煎包先來，普普通通，肉餡多但較實，底也煎得脆，不過有點燒得焦黑。其實兩個菜都ok，幾十蚊碟，比一般酒樓貴十元八塊，真係有不少金華火腿，小棠菜百頁其實幾好食。咁點解覺得唔好呢？就係因為個片皮鴨！我都冇心機影，因為所謂一隻片皮鴨的分量係平日酒樓的半隻，都唔緊要啦，因為只百幾蚊…但片皮鴨的皮係縮埋，好明顯係係微波爐就咁整熱！ 完全唔脆皮， 似燒肉翻炒d皮嘅質地…同街外食的片皮鴨完全唔一樣，肉更少，講真係完全唔ok。甜品心太軟係紅棗裏有年糕，桂花汁做底。未食完正餐就提早送來，先拿回去後等我地食完要上返又等好耐都未蒸熱，都幾搞野。合計五百幾蚊，下次唔會再幫襯，因為依個價錢，荔枝角區好食的中餐多的是。