Tipsy Restaurant & Bar

情人節同女朋友book左黎呢到食個情人節套餐，本身見網上評價都ok所以都有少少期望咁上黎試下。先講一下頭盤沙律同湯，味道尚算ok，湯幾濃，洗律亦唔錯。但係我地本身想試生蠔，見佢地menu寫住 (+$25)咁我地就以為係加25蚊一份，點知侍應同我地講係25蚊一隻，我地已經覺得好misleading。但後來見隔離枱食客問另一個侍應又話係加25蚊有一份，侍應對餐廳收費嘅認知好唔consistent 再黎就到main course 牛扒一睇賣相一般，食落好韌，煮得太熟，要咬好耐先吞到，而侍應冇主動問牛扒想幾多成熟，咁呢個都算，我地都有責任主動同侍應講想要medium rare。最敗筆之處就係個牛扒真係好咸，我女朋友當日唔太舒服冇乜味覺都覺得好咸，牛扒亦冇乜牛味，調味方面有待進步另外個pasta賣相就100分味道就合格有餘啦冇乜特別點評甜品甜品係份心太軟，味道ok，上面有個雪糕，幾特別，但比個牛扒搞到冇乜心機所以冇影相總結 餐廳嘅地理位置唔錯，環境都幾好，但喺主食方面就真係有好大進步空間，我見佢塊扒 a la carte都要$398，如果係咁嘅收費就會建樓食市面其他更好嘅alternative。