Video
Read full review
2024-07-14
159 views
《Anjappar Chettinad Indian Restaurant - 尖沙咀》自從上次試食左印度素菜之後，就突然有一排好想再試下其他既印度菜，仲成日心心念念想食印度薄餅添🍕今次我就約左個舊同事一齊去番位於萬事昌廣場但今次係三樓既印度餐廳食晚飯😎不過今次嘅印度餐廳係有肉食嘅😉由於我哋兩個女仔咩都想試同埋高估咗自己食量嘅關係，今次又係叫多咗😂最後要打包返屋企仲食咗兩餐💁🏻♀️雞肉棒棒糖 $90見到人哋枱食呢個雞肉棒棒糖，棒棒糖只係個名，因為佢嘅造型睇落好似食緊Lollipop咁，但其實佢個口味都甜甜地好似搽咗蜜糖先去炸咁，嚿雞肉紅卜卜，但係食落啖啖肉，旁邊仲有個甜酸醬可以俾你點，算係幾惹味嘅開胃菜💁🏻♀️薄荷雞塊 $140其實我都唔係好明，點解佢哋要將啲肉染色🤔見到綠色嘅雞肉視覺上都幾大衝擊，但係入口其實係好香嘅薄荷味同埋食到好多香料嘅味道🤓雞肉嫩滑，放喺鐵板上面渣渣聲，旁邊嘅配菜洋蔥同雜菜吸晒啲汁，用嚟送飯一流👍🏻💁🏻♀️牛油薄煎餅 $80我心心念念嘅薄餅🤤不過今次嘅呢一款唔係傳統嘅印度酥餅，本身上枱嘅時候都已經好興奮，因為佢又薄又大份又長，聞到好香嘅牛油味，另外有四種醬汁可以
自從上次試食左印度素菜之後，就突然有一排好想再試下其他既印度菜，仲成日心心念念想食印度薄餅添🍕今次我就約左個舊同事一齊去番位於萬事昌廣場但今次係三樓既印度餐廳食晚飯😎不過今次嘅印度餐廳係有肉食嘅😉由於我哋兩個女仔咩都想試同埋高估咗自己食量嘅關係，今次又係叫多咗😂最後要打包返屋企仲食咗兩餐
💁🏻♀️雞肉棒棒糖 $90
見到人哋枱食呢個雞肉棒棒糖，棒棒糖只係個名，因為佢嘅造型睇落好似食緊Lollipop咁，但其實佢個口味都甜甜地好似搽咗蜜糖先去炸咁，嚿雞肉紅卜卜，但係食落啖啖肉，旁邊仲有個甜酸醬可以俾你點，算係幾惹味嘅開胃菜💁🏻♀️薄荷雞塊 $140
其實我都唔係好明，點解佢哋要將啲肉染色🤔見到綠色嘅雞肉視覺上都幾大衝擊，但係入口其實係好香嘅薄荷味同埋食到好多香料嘅味道🤓雞肉嫩滑，放喺鐵板上面渣渣聲，旁邊嘅配菜洋蔥同雜菜吸晒啲汁，用嚟送飯一流👍🏻💁🏻♀️牛油薄煎餅 $80
我心心念念嘅薄餅🤤不過今次嘅呢一款唔係傳統嘅印度酥餅，本身上枱嘅時候都已經好興奮，因為佢又薄又大份又長，聞到好香嘅牛油味，另外有四種醬汁可以俾你點嚟食，不過我個人就鍾意用嚟點咖喱😋食落有脆脆嘅口感之餘中間嘅位置有少少煙靭！超級好食💁🏻♀️黃油雞咖哩 $130
我就係用牛油煎餅餅嚟點呢個黃油雞咖喱，口味帶甜，但係個醬汁真係好惹味😋食得出用咗好多香料製作，咖喱口味唔辣，反而有一陣類似牛油嘅香氣，雖然佢附送咗一個白飯俾我哋，但係我個人覺得用蒜蓉包或者薄餅點個雞既醬汁食係最適合的💁🏻♀️羊肉棗 $140
我一向麻麻地羊既羶味，不過呢個羊既味道又唔算好勁，係我接受得到既味道😗個汁有少少椰香，同樣係偏向甜身，醬汁creamy，而個肉都煮到好淋身，咬落無渣，個汁用黎撈飯一定好好味💁🏻♀️印度大蒜烤餅 $40
食印度菜我會寧願食餅多過食飯，有無覺得佢地既薄餅係特別香特別好食😎食完個薄煎餅之後唔夠喉，所以點多一份大蒜烤餅用黎點咖哩🥸點知原來一份有咁多片的，食落香酥煙韌，比較適合包肉食👍🏻推介
💁🏻♀️芒果印度乳酪 $35
第一次是印度乳酪，其實就有啲似我哋平時飲嘅奶昔咁，加咗芒果打成嘅印度乳酪口味唔算好甜，比較上細滑，唯一唔同係佢冇我哋平時飲嘅奶昔咁加入冰塊打勻，比較飲冇稀釋嘅乳酪同埋芒果口味，味道濃厚，$35大大杯抵飲
Post
