Video
Read full review
2020-01-30
567 views
星期日去咗將軍澳行街，順便食個晚飯。身邊隻大大舊牛魔王一見到個餐廳有個beef🐮字就話要食🤣。雖然6點鐘有啲早，但我哋都已經食得落，嗰陣去到就未有太多人，到7點幾食晚飯時候就爆哂場！餐廳環境畀我嘅感覺係好摩登時尙，裝修簡約，採用偏白系嘅燈光同傢俬，令人感覺輕鬆。食物種類非常多，由小食、沙律、湯、漢堡包、墨西哥薄餅、意粉／飯到主食通通都有好多選擇，另外仲有dinner set同石燒牛！花多眼亂啊👀，而大部份嘅菜式都的確係以牛🐮做主角，同餐廳名一樣。除咗大餐牌外，枱頭仲有一份推介，好彩有揭到嚟睇，原來有promotion讚好facebook可以以超震撼價$12享用Lena秘製雞翼(4隻)。抵到爛，原價嗌6隻要$42，雖然都唔算貴。🐔雞翼炸得幾脆，味道ok、似曾熟悉，但我講唔出邊到食過。🐮🐮牛牛湯($38)，睇餐牌見到係有牛肉濃湯、瘦牛肉、紅燈籠椒、馬鈴薯同蕃茄煮成，但嚟到發現個樣其實同羅宋湯無分別😂。不過真係好飲同濃過平日好多，而且啲牛肉粒同其他餡料好好食，推介可以叫呢款湯飲下。炸香茅牛串🍢($58)，牛肉串有2串，賣相好普通，但食落發現肉質好嫩，而且無燒到乾哂，啖啖肉，食完有少少似食咗啖
星期日去咗將軍澳行街，順便食個晚飯。身邊隻大大舊牛魔王一見到個餐廳有個beef🐮字就話要食🤣。雖然6點鐘有啲早，但我哋都已經食得落，嗰陣去到就未有太多人，到7點幾食晚飯時候就爆哂場！餐廳環境畀我嘅感覺係好摩登時尙，裝修簡約，採用偏白系嘅燈光同傢俬，令人感覺輕鬆。
食物種類非常多，由小食、沙律、湯、漢堡包、墨西哥薄餅、意粉／飯到主食通通都有好多選擇，另外仲有dinner set同石燒牛！花多眼亂啊👀，而大部份嘅菜式都的確係以牛🐮做主角，同餐廳名一樣。
Lena秘製雞翼
$12
16 views
0 likes
0 comments
除咗大餐牌外，枱頭仲有一份推介，好彩有揭到嚟睇，原來有promotion讚好facebook可以以超震撼價$12享用Lena秘製雞翼(4隻)。抵到爛，原價嗌6隻要$42，雖然都唔算貴。🐔雞翼炸得幾脆，味道ok、似曾熟悉，但我講唔出邊到食過。
牛牛湯
$38
17 views
0 likes
0 comments
🐮🐮牛牛湯($38)，睇餐牌見到係有牛肉濃湯、瘦牛肉、紅燈籠椒、馬鈴薯同蕃茄煮成，但嚟到發現個樣其實同羅宋湯無分別😂。不過真係好飲同濃過平日好多，而且啲牛肉粒同其他餡料好好食，推介可以叫呢款湯飲下。
炸香茅牛串
$58
16 views
0 likes
0 comments
炸香茅牛串🍢($58)，牛肉串有2串，賣相好普通，但食落發現肉質好嫩，而且無燒到乾哂，啖啖肉，食完有少少似食咗啖牛扒嘅感覺😛。至於香茅味唔算太出，應該係醃牛肉時用咗，另外牛串可以點泰式辣醬。
MOO迷你威靈頓牛柳
$68
33 views
0 likes
0 comments
MOO迷你威靈頓牛柳($68)，現時香港有唔少餐廳有得賣，但得個貴字，無食過好味的。見餐廳有賣迷你版就即管試下啦😉，估唔到比預期中好，切嗰時覺得嚿牛柳有啲筋，但食落又唔韌喎。再者，就係個烹調煮法好似幾正宗，酥皮同牛柳中間搽咗啲醬，有啲黑松露嘅味道👍。整體嚟講唔錯，絕對值得一試，兩個人嗌一份啱啱好。我差啲忘記咗講就係呢樣小食仲送一籃🍟薯條添，呢個價錢嚟講，真係超值！
安格斯西冷牛方塊三文治
$128
11 views
0 likes
0 comments
安格斯西冷牛方塊三文治🥪($128)，估唔到都幾大份，而且又係有送薯條。三文治中間嘅餡就係吉列厚西冷牛扒，嚿牛扒估計7成熟到，都juicy嘅。不過我建議呢樣要盡快食用，否則個吉列皮會整濕咗三文治塊包(本身比較薄身同唔算脆)，就冇咁好食，我正正就係食得太慢所以體驗咗🙈。
脆烤肉眼扒雙重奏配焗意大利巴馬火腿及芝士
$148
9 views
0 likes
0 comments
脆烤肉眼扒雙重奏配焗意大利巴馬火腿及芝士($148)，我哋嗌呢個都係見好似好特別咁。落單時店員有提醒我哋呢個係炸牛扒o唔ok，未食過就試下。嚟到發現同我想像中好唔同🤣，我一眼望落覺得似焗千層麵，因為有大量芝士，而且見唔到塊扒🥩。另外，我想講呢個係巨人份量，超澎湃，兩塊炸薄牛扒再夾啲嘢，真係四個人都夠食。
脆烤肉眼扒雙重奏配焗意大利巴馬火腿及芝士
$148
7 views
0 likes
0 comments
切開後見到🧀芝士係拉絲的，而Parma ham🥓就隱藏咗係炸牛扒中間。頭幾啖係幾滋味同得意嘅，但炸皮較厚，而且真係比較炸同乾，食到後期更加凍咗。如果怕熱氣嘅，就自行判斷嗌唔嗌，同埋我建議多人share食好會啲。不過牛扒側邊有啲🥑牛油果醬炒瓜菜絲，中和一下都幾好，全部食哂。
原來點三文治、意粉／飯同主菜類菜式，都會送餐飲🥤，檸茶檸水咖啡嗰啲，而叫特飲就有優惠價。我哋要咗凍檸茶同熱咖啡。
意式咖啡提拉米蘇芝士蛋糕
$38
11 views
0 likes
0 comments
最後甜品我哋嗌咗意式咖啡提拉米蘇芝士蛋糕Tiramisu($38)☕️，味道正常，但似蛋糕多啲，唔係太正宗好芝士嗰種。其實本身想叫檸檬撻同焗橙香沙巴翁多啲，但兩樣都賣哂🥺，唯有有機會再嚟先試下。同時，我發現跟晚餐加點嘅是日甜品原來都係tiramisu😂，跟餐叫好似抵啲。
總括嚟講，呢餐牛宴食到我哋好飽飽，捧住個肚走。我哋食咗咁多嘢，每人都只係二百幾蚊，其實真係性價比高，份量又超多。如果單單為求飽腹，更加唔使呢個價錢👍。食物菜式特別，味道唔錯，係個別款式唔太啱我哋口味，抵讚嘅係餐廳大部份菜式都會加啲沙律菜🥗伴碟，refresh一下。最後服務方面，全部店員都好helpful、有禮貌、醒目同面掛笑容😊。
Post
