琥酌 (Closed)

太子呢條街有好多不同種類嘅餐廳同埋bars，經過見到呢間日式餐廳門面大大隻字寫住＂和牛＂吸引住，所以入去食番餐🐂。餐廳裝修都幾有日本feel，燈光效果令人覺得舒服之餘又唔會話太過黑漆漆咁樣，感覺幾好。入嚟想食🐂，所以叫咗兩樣牛，一個係頂級安格斯牛古列御饍($368)，另外一個係琥酌丼，呢款飯有大、小兩款，咁鍾意食🐂嘅我就叫左個＂大＂丼($118)，一於食飽飽。另外係餐枱上面有推介小食，見到幾吸引，所以再叫左個名古屋鷄翼($68)，今晚實行食到大滿足。想講個頂級安格斯吉列牛嘅presentation都幾好，有獨立鐵板燒比你自己慢慢玩，幾多成熟完全自己決定，正。琥酌丼其實係和牛肉粒配上白飯食，好香好味道。