越男仔 (Moved) New Location

其實去到門口, 已經見到舖面好細, 入面只得 bar 枱, 座位比較窄。不過, 基於我們很肚餓了, 又好想湯河粉, 所以衝左入去, 姑且一試!家姐 order 左一杯青檸梳打, 用上玻璃樽裝的泰國進口梳打水, 感覺良好, 立即加分!我地一個 order 生牛肉湯河粉!牛肉嫩滑, 但份量不多。河粉很多, 也很滑。湯底夠熱, 但只係用清湯, 並非平時食正宗越南粉的牛肉牛骨煮成的那種充滿牛味的湯! 當堂大打折扣!另一碗加左扎肉, 都一樣係生牛肉湯河粉!最後, 問 staff 攞 "是拉差辣椒醬", 但只係送上這支普通的橙色辣椒醬, 唔香又唔辣 ~ 成件事當堂失色了不少!這樣的質素, 都係試一次就夠了, 附近食店林立, 應該不會回頭了。