Video
Read full review
2016-02-24
4613 views
唔講你唔信，因工作關係，十多年前跑貴州山區跑咗好幾年，省會貴陽市就到訪唔多，大部分時間都只喺個落機上機嘅地方，真正要到嘅都喺偏遠嘅內陸縣，如六盆水、威寧、赫章……等等，咪話高鐵啦，記得嗰時連啲高速公路都未完善，真喺試過一早香港出發，上深圳坐機到貴陽，再轉車入威寧、赫章，到達已喺晚上八、九點嘅事 。題外話講多咗，今晚一支公嚟到十二味貴陽牛肉粉，想重溫吓當年當地嘅牛肉粉。餐廳門面幾光鮮，但實屬小店格局，長形嘅鋪位，廚房晌中間，將餐廳劏開頭尾兩截，所以，地方顯得頗為狹窄，座位亦唔多。裝修方面，一切從簡，但牆上掛有不少七彩牛頭紙雕，幾得意 。而小弟揀坐入面，頭頂仲有個大招牌「Emma’s Noodle」，但又奇怪個招牌唔放晌出面呢！一入門口就喺收銀兼落單位，落好單後，就等店員將牛肉粉送上。咁究竟店內有咩食，牆上嘅餐牌一眼睇晒，店內只賣牛肉粉，3款主打嘅牛肉粉包括清湯、紅燒、紅油，款款$56 ，另外，再有多款配料供選擇，都喺啲牛乜牛物、豆乾、鹵蛋（$6-$18 / 款），。亦有一種叫全家福牛肉粉（$98），餸料大包圍，不過，就由師傅配搭。餐廳屬較自助，所以，唔收加一，餐枱上有齊餐具、醬油、
餐廳門面幾光鮮，但實屬小店格局，長形嘅鋪位，廚房晌中間，將餐廳劏開頭尾兩截，所以，地方顯得頗為狹窄，座位亦唔多。裝修方面，一切從簡，但牆上掛有不少七彩牛頭紙雕，幾得意 。
而小弟揀坐入面，頭頂仲有個大招牌「Emma’s Noodle」，但又奇怪個招牌唔放晌出面呢！
一入門口就喺收銀兼落單位，落好單後，就等店員將牛肉粉送上。咁究竟店內有咩食，牆上嘅餐牌一眼睇晒，店內只賣牛肉粉，3款主打嘅牛肉粉包括清湯、紅燒、紅油，款款$56 ，另外，再有多款配料供選擇，都喺啲牛乜牛物、豆乾、鹵蛋（$6-$18 / 款），。亦有一種叫全家福牛肉粉（$98），餸料大包圍，不過，就由師傅配搭。
餐廳屬較自助，所以，唔收加一，餐枱上有齊餐具、醬油、辣椒粉、花椒碎等等調味料，自己顧自己。
紅燒牛肉粉 $56 外出天寒地凍，熱氣騰騰嘅牛肉粉送上，感覺特別溫暖，粉內有紅燒牛肉粒及牛展，小弟另外加牛肚（+$18）及豆乾（+$6）。「粉」就喺我哋經常食嘅米線，入口滑溜，口感柔韌有咬口，兼且份量十足 ；湯底牛味濃香而不濁，味甜偏清，麻而不辣，據介紹，湯底以多種材料熬煮，濃香紛陳，亦喺精華所在，所以，飲多幾啖再嗒真個味道 。
紅燒牛肉粒很香，牛肚亦非常爽，豆腐乾也很好吃，只是略嫌牛𦟌有點韌！
晌走廊尾見到一大埕一大埕自家泡嘅椰菜，而晌湯內就加入咗唔少泡椰菜碎，酸香爽脆，正好去一去油膩 。
再分享多少少當年今日，嗰時晌貴州山區做嘢，冬天真喺好死凍，得幾度甚至零下 ，一朝早整碗熱辣辣嘅牛肉粉或羊肉粉，喺簡單而最叫人提起勁嘅早餐 。仲記得當地人就咁將枱上嘅生蒜搣開放入湯，小弟就唔喺好敢喇！
小弟食嘢都甚少追求正唔正宗，覺得好味就可以喇，反正，味道都喺一門創作，正宗有正宗嘅好，創新又有創新嘅好。唔知佢哋遲啲會唔會加入一啲貴州嘅地道特色小食呢？喺就更具可觀性！
Post
