Gyutan Toku牛舌專門店

Open Now

Now Closed

今日同朋友去左試下牛舌關注組都有推介過嘅「Gyutan Toku牛舌專門店 」，呢度除咗有出名嘅牛舌定食之外，仲有好多日式串燒同小食。餐廳嘅座位唔算多但坐得寬敞，有居酒屋小店嘅感覺。我哋嗌咗炸雞三件、芥辣八爪魚、燒鱈魚干、極上牛舌定食同柚子醬油瀆牛舌定食。炸雞炸得香脆鬆化，外皮脆口而入面嘅雞肉依然保持到嫩滑嘅口感同肉汁；八爪魚頭盤份量唔細，八爪魚粒同青瓜粒拼芥辣醬，味道少少辣得嚟又幾開胃；燒鱈魚干拼沙律醬都好香口，咬落去脆卜卜，幾重鱈魚味，食極都唔停；所有嘅牛舌定食都有茶碗蒸、泡菜、沙律菜、醃蘿蔔、麵鼓湯同白飯，極上牛舌定食嘅牛舌非常厚身，咬落去爽口有嚼勁，燒完之後塊牛舌嘅牛味好出，加上每塊牛舌表面都有輕微嘅橫切紋，令到燒汁可以更入味；柚子醬油拼牛舌嘅配搭非常清新，柚子嘅味道中和左牛舌嘅油膩感，咬落去好腍身，而且牛舌嘅份量非常多，中間有一粒溫泉蛋，刺穿之後蛋汁撈埋珍珠飯一齊食係絕配。而家餐廳仲做緊一周年開業優惠，喺唔同嘅日子都有唔同嘅優惠，非常推介各位鍾意食牛舌嘅朋友嚟試一試呢一間牛舌定食！📍土瓜灣天光道44號天光大樓地舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP