Urban Bakery

Open Now

Now Closed

一行入希慎廣場負二樓嘅超市嗰時候就見到陸續有d人拎住urban嘅袋行出去，呢家urban好旺，成日都好多人，所以服務員都幾多下，都好有禮貌，服務意識好強！入到去就算唔鐘意牛角包嘅人都會對一格格嘅牛包感興趣嘅！太多種類喇，各種朱古力，焦糖，芝士，杏仁，原味嘅等等等等、太多喇！依家最紅嘅係流奶黃金牛同爆士牛，一甜一咸，22一件。流奶牛上面嘅皮太酥脆喇，咬嘅時候小心D吖，一唔小心就會全都貢獻卑地下喇，因為一咬就脆到碎吖！咸好甜好香，奶味十足，仲有D其他味道唔知係乜，不過覺得唔係流沙包嘅味，真係好味！爆士牛，滿滿芝士滿滿嘅愛吖！食得好幸福！原味嘅都好食，脆脆外層，裡邊韌韌地，而且原味唔怕膩唔怕滯吖，果然乜都係原味經典！提醒大家一定趁熱！