東榮火鍋 (Closed)

10月最大既事就係我生日喇﹗食家話要食好尐，於是決定去九龍城打邊爐﹗九龍城的東榮火鍋，網上食評很不俗，今日終於有緣來試試喇﹗食物除左牛肉同海鮮之外﹗其實不太貴，一般火鍋店價錢﹗亦唔收加一﹗由於得我同食家關係，無得三心兩意，一於食精尐﹗食家打電話Book枱時已order定一碟最貴的牛肉，再加多半條鱆紅魚刺身﹗生日唔再飲獅威喇，食豪尐，飲藍妹﹗湯底點了鯊魚軟骨翅湯，大量鯊魚骨，配上雞件，未打邊爐建議飲番兩碗，好清甜呢﹗牛肉來了﹗是大既特級牛頸脊邊，色水極殷紅，雪花紋細膩滿佈，真係睇見都流口水﹗軟灼十幾廿秒，牛味香濃，脂香豐腴，極軟滑，完全唔洗蘸任何野先係最佳食法，愛牛者必嗜，最後兩個人KO咗成碟﹗$268一碟，貴得有道理﹗再來是半條鱆紅刺身﹗$258即叫即做，新鮮，魚肉爽甜，同食家兩個吃到耳仔也豎起來﹗兩個人打邊爐去邊都貴架喇﹗這兒有6-8人套餐做緊特價，我見佢都好多野食，值得一大班人來試試﹗鱆紅的頭頭尾尾做了椒鹽，送酒一流﹗碟野食左大半先影，樣衰咗﹗最後來個油墨菜作結﹗兩個人食兩樣野已飽哂喇﹗樓分兩層，地下得五六張枱，來食飯的話記住訂位，見門口有個哥仔等咗成個鐘都未有枱，好慘﹗埋單$78