Video
Read full review
2022-06-14
84 views
係灣仔收工，一個人又唔想食快餐同埋譚仔，經過見到呢間主打食牛扒ge 餐廳，就一個人膽粗粗咁入咗嚟試吓，裡面嘅裝修風格都比較日式，同埋枱與枱之間都比較寬躺一入到舖頭就會見到有一部自助售賣機，餐廳會安排一位店員幫忙點餐，除咗有美國級數嘅牛扒仲有日本和牛選擇，我今次就選擇咗180 g嘅牛肩扒（$85)係等緊攞牛扒嘅期間，我就去咗食自助區攞湯同埋沙律菜，湯係羅宋湯，材料好豐富，有大大嚿牛腩，紅蘿蔔，白蘿蔔同洋蔥沙律菜亦都有兩款醬汁可以選擇，分別係芝麻醬同日本柚子汁，自助區亦都有白飯任裝牛扒醬汁亦都有兩種選擇，分別係燒汁同辛味芥末燒汁攞完所有配菜之後個牛扒就來到啦，職員好貼心建議我要去攞圍裙上菜嘅時候牛扒放咗係一個熱辣辣嘅石板上面，剛剛嚟到嘅牛扒只係一成熟，之後你想要幾多成熟可以自由控制，個牛肩扒好重肉味，而且好多肉汁，肉質比較淋，脂肪比例比較少總括嚟講，可以用一個快餐嘅價錢，食到一個高質素嘅牛扒，絕對係物超所值
一入到舖頭就會見到有一部自助售賣機，餐廳會安排一位店員幫忙點餐，除咗有美國級數嘅牛扒仲有日本和牛選擇，我今次就選擇咗180 g嘅牛肩扒（$85)
係等緊攞牛扒嘅期間，我就去咗食自助區攞湯同埋沙律菜，湯係羅宋湯，材料好豐富，有大大嚿牛腩，紅蘿蔔，白蘿蔔同洋蔥
沙律菜亦都有兩款醬汁可以選擇，分別係芝麻醬同日本柚子汁，自助區亦都有白飯任裝
牛扒醬汁亦都有兩種選擇，分別係燒汁同辛味芥末燒汁
攞完所有配菜之後個牛扒就來到啦，職員好貼心建議我要去攞圍裙
上菜嘅時候牛扒放咗係一個熱辣辣嘅石板上面，剛剛嚟到嘅牛扒只係一成熟，之後你想要幾多成熟可以自由控制，個牛肩扒好重肉味，而且好多肉汁，肉質比較淋，脂肪比例比較少
總括嚟講，可以用一個快餐嘅價錢，食到一個高質素嘅牛扒，絕對係物超所值
Post
