麥文記麵家

Open Now

Now Closed

麥文記係我由細食到大嘅麵店，偶然都會同媽咪黎食，食有情懷有回憶嘅雲吞麵🍜今次晚餐時間黎，有5-6人排隊（反而澳牛直入），等左5分鐘就有位啦。由細個廿幾蚊食到而家$45一碗細蓉。近年通脹都真係勁，記憶中幾個月前仲係$43。其他老字號嘅雲吞麵而家都好貴。雲吞仍然係出色好味，大大粒鮮蝦🦐，雲吞皮又薄又嫩，有時叫多個淨雲吞就大滿足。麥文記嘅麵係屬於比較彈牙，尤其今次好似略嫌爽左啲，鍾唔鍾意食佢嘅麵就真係個人口味，有人好鍾意， 有啲就覺得太硬身。地方環境就係舊式嘅雲吞麵店，而家買少見少，地方淺窄都係俾人快快手食完走。