Video
Read full review
2019-02-22
114 views
尖沙咀食肆林立，朋友介紹有一間食素既印度菜幾地道，於是今日收工就一齊去試下！可能因為平日，好好彩地一去到就有位坐，但餐廳都坐左近半成人，見到有印度Local 都會去食。餐廳好光猛， 每個位都好闊落，幾適合大伙人食飯既地方。於是睇餐牌揀下有咩食啦！ 本人十分喜歡印度菜，可惜唔食得辣， 所以都揀左D 唔辣既菜。雖然係食素既餐廳，但係都有好多種類！有一頁係印度特色街頭小食，另一頁係特調野飲，唔剩只得Mango Lassi 揀，幾有心思。睇到個餐牌先知Kailash Parbat 係一間連鎖店，係美國，澳洲，加拿大都有分店，有成65年歷史。我地兩個人揀左 咖喱薯仔包（奶酪），蒜香薄餅(Garlic Naan), 印度粘土烤蘑菇素燒(DO RUCHA KHUMB), 同圓脆餅（PANI PURI）。圓脆餅係常溫，所以落左order 之後好快就送到上黎， 待應好有心咁教我地點樣食（應該係見到我地個樣好迷茫）首先擺圓脆餅上碟，之後先落甜汁（細杯裝，深啡色），再落酸汁 （大杯裝），然後一口咬入口（如果唔係D 汁會流出黎）。對於我的確係一個地道既新嘗試，又出奇地幾好食。 脆餅入面係小小辣既薯蓉，D薯仔醃
可能因為平日，好好彩地一去到就有位坐，但餐廳都坐左近半成人，見到有印度Local 都會去食。
餐廳好光猛， 每個位都好闊落，幾適合大伙人食飯既地方。於是睇餐牌揀下有咩食啦！ 本人十分喜歡印度菜，可惜唔食得辣， 所以都揀左D 唔辣既菜。
雖然係食素既餐廳，但係都有好多種類！有一頁係印度特色街頭小食，另一頁係特調野飲，唔剩只得Mango Lassi 揀，幾有心思。
睇到個餐牌先知Kailash Parbat 係一間連鎖店，係美國，澳洲，加拿大都有分店，有成65年歷史。
我地兩個人揀左 咖喱薯仔包（奶酪），蒜香薄餅(Garlic Naan), 印度粘土烤蘑菇素燒(DO RUCHA KHUMB), 同圓脆餅（PANI PURI）。圓脆餅係常溫，所以落左order 之後好快就送到上黎， 待應好有心咁教我地點樣食（應該係見到我地個樣好迷茫）
首先擺圓脆餅上碟，之後先落甜汁（細杯裝，深啡色），再落酸汁 （大杯裝），然後一口咬入口（如果唔係D 汁會流出黎）。
對於我的確係一個地道既新嘗試，又出奇地幾好食。
圓脆餅
$70
6 views
0 likes
0 comments
脆餅入面係小小辣既薯蓉，D薯仔醃都幾好味之餘，唔食得辣既我都接受到，而且同酸汁同甜汁夾埋一齊都好match, 唔會食落熱氣。然後就上咖喱薯仔包（奶酪），對我黎講個餐包先係重點，拎上手仲係暖既，而且非常軟熟，廚師會加上少少牛油一齊烘，好有牛油香味。再夾埋咖喱一齊食， 令到牛油再昇華，要讚一讚餐廳對麵包選材同處理都幾專業。
咖哩薯仔包（奶酪）
7 views
0 likes
0 comments
咖喱自己都可以單獨食，薯仔係一早混左入咖喱入面，食得出食咖喱好似食緊薯仔蓉咁，再加埋芝士，真係好夾 食食下待應建議我連埋附上既紫洋蔥一齊食，我加左幾塊，更加有爽既咬口 ，都唔錯喎！
陸續上菜既係印度粘土烤蘑菇素燒，一開頭覺得係有點貴，要$85, 但係上菜後覺得都幾考功夫，入面要釀入芝士，蘑菇上面釀掃層汁，同埋要保持蘑菇濕潤。 而我地都覺的烤得好juicy, 配上薄荷汁，食落好fresh。
印度粘土烤蘑菇素燒
7 views
0 likes
0 comments
最後上蒜香薄餅，雖然待應有建議加唔加其他咖喱菜做sauce ,但我始終覺得就咁食係最好食，蒜香薄餅都好大份， 加上牛油，烤得好香，Naan 發得好，唔會太多空氣， 好味到食完都唔係好夠喉。
Garlic Naan
10 views
0 likes
0 comments
Remarks: 枱上兩支水係要錢的，大既$25, 細既$15.
Post
