Video
Read full review
2021-07-14
1036 views
𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎今日中午試左淘大既豆漿大王，呢間都開左一排，但今日第一次去試。中午時間12:20 左右去到店內已經坐滿。雖然店外露天位置都有得坐，但因為冇冷氣太熱所以等多左陣先入去。店內既感覺好似台灣既早餐店，店面唔算大。今次試左佢既𝘭𝘶𝘯𝘤𝘩 𝘴𝘦𝘵𝘴 同幾樣特色小食。🌟擔擔面 ($36)碗面唔似平時擔擔面火紅火紅咁既色，而係好平實咁淡黃色。面體係用上海面，都好滑同唔會好碎。黃色應該主要係來自花生醬。仲有肉碎同蔥花，食落有少少似屋企呀媽煮比我既味道，食落都唔錯。🌟五香牛肉飯($40) 五香牛肉飯有𝘥 喜出望外。牛𦟌肥瘦均勻好易咬開，而且好入味，配有大量雪菜，又好爽口，食得好滿足。😜🌟煎釀豆腐 ($16)一碟有三件，而且都算大件，豆腐係用左硬豆腐，比較有咬口，豆香味都濃，外表煎得香脆，裏面釀左D 豬肉。味道唔錯，如果有𝘥 汁會更好。🌟咸豆漿 ($16) 🍶之前係台灣個熟食中心排左好耐就係為左試咸豆漿，今日竟然再見到，一於試下。咸豆漿裏面加左油炸鬼、蔥花、蝦米、菜脯等等。飲落比較似一碗湯或者米粥。可能我對豆漿既印象始終係甜，所以覺得
今日中午試左淘大既豆漿大王，呢間都開左一排，但今日第一次去試。中午時間12:20 左右去到店內已經坐滿。雖然店外露天位置都有得坐，但因為冇冷氣太熱所以等多左陣先入去。店內既感覺好似台灣既早餐店，店面唔算大。今次試左佢既𝘭𝘶𝘯𝘤𝘩 𝘴𝘦𝘵𝘴 同幾樣特色小食。
🌟擔擔面 ($36)
碗面唔似平時擔擔面火紅火紅咁既色，而係好平實咁淡黃色。面體係用上海面，都好滑同唔會好碎。黃色應該主要係來自花生醬。仲有肉碎同蔥花，食落有少少似屋企呀媽煮比我既味道，食落都唔錯。
🌟五香牛肉飯($40) [推介👍🏻]
五香牛肉飯有𝘥 喜出望外。牛𦟌肥瘦均勻好易咬開，而且好入味，配有大量雪菜，又好爽口，食得好滿足。😜
🌟煎釀豆腐 ($16)
一碟有三件，而且都算大件，豆腐係用左硬豆腐，比較有咬口，豆香味都濃，外表煎得香脆，裏面釀左D 豬肉。味道唔錯，如果有𝘥 汁會更好。
🌟咸豆漿 ($16) 🍶
之前係台灣個熟食中心排左好耐就係為左試咸豆漿，今日竟然再見到，一於試下。咸豆漿裏面加左油炸鬼、蔥花、蝦米、菜脯等等。飲落比較似一碗湯或者米粥。可能我對豆漿既印象始終係甜，所以覺得都係鐘意甜豆漿多𝘥。
🌟椰汁豆漿 (跟餐加$3) 🥛
椰汁豆漿既椰香味唔算強，豆漿都唔算豆香好重，飲落感覺似加左水咁比較稀。有少少失望。
🌟樽仔奶茶 (跟餐加$3)
奶茶係每日即整，然後雪起。呢道既奶茶味道普普通通，唔算有記憶點。
總結係呢間餐廳既野食比較健康，味精都用得比較少，好有住家菜既感覺。飲品方面好似比較遜色少少🤏。
📍 豆漿大王
九龍灣牛頭角道77號淘大商場2期地下G208-209號舖
Post
