新記冰室 (Closed)

沙爹牛肉米粉，呢個餐沙爹牛肉份量係比一般餐廳多，而且沙嗲牛肉有好多沙爹醬喺上面，所以啲沙爹牛肉係有好濃嘅沙嗲味。呢個餐會包埋兩隻煎蛋，一塊牛油多士，同埋一塊火腿。另外會包埋杯凍檸茶嘅。如果想食得健康啲，可以加十蚊有一碟蠔油西生菜。呢個豉油皇雞髀，雞髀嗰個份量係好大隻㗎，而且佢醃咗好耐，所以裏面啲雞肉豉油味都好足夠。呢間餐廳用咗懷舊嘅香港做裝修風格，所以入到去你會見到一啲懷舊嘅物品。餐廳位置，如果喺朗豪坊行過嚟大約一分鐘左右就可以到，都幾方便。