祥仔辣辣 (海運大廈) (Closed)

[ 祥仔辣辣 ]之前食過祥仔辣辣覺得質素唔錯，近排見到新推出鴛鴦口味烤魚可以同時間食，幾得意咁😬😬，LCX分店仲有海景位，即刻約埋朋友去食🤤。✿ 元氣九宮格 (時令精選) $188先嚟個用料極豐富嘅前菜，呢款前菜啱哂選擇困難症嘅你，選用時令食材，包括有冰鎮話梅涼瓜、蒜泥拍黃瓜雲耳&花雕醉雞翼尖等等，款款都惹味可口，同朋友share食啱哂。✿ 辣辣烤魚🐟🐟 $368選用江團魚，第一次同一時間食兩款口味嘅烤魚，金菠蘿酸辣口味酸酸辣辣，幾過癮，食完魚仲有大大嚿菠蘿食🍍，好鮮甜呀。另外魔鬼地獄用咗好多魔鬼辣椒🌶️，食落非常香口。仲有大豆芽、蓮藕片、蒿筍片&黑木耳等配料，好豐富。✿ 雪花肥牛卷 $88雪花肥牛紋理非常靚，食落牛味濃郁，而且份量都幾多。✿ 三國演義 (墨魚三色滑) 半份 $58墨魚滑好香墨魚味🦑，爽口彈牙，而且三色🤍💛💚賣相好靚💖。✿ 菠蘿Me (蜜瓜•菠蘿•雪碧) 1.3L $48✿ 藕遇熱情鳳梨 (百香果•菠蘿•蓮藕) 1.3L $48食辣野極需要飲品💦💦呢2款超巨型嘅飲品只係$48杯，價錢嚟講好抵飲。菠蘿Me用咗雪碧做base，啖啖梳打再配上菠蘿同蜜瓜，好香甜清新。另一款沙冰配