龍鳳祥餃子館 (Closed)

西九龍有間餃子店，味道都唔錯。我覺得佢地嘅麻辣豬手伴麵，味道非常特別，是用了糖醋加麻辣做汁，酸酸甜甜，食落好似食薑醋感覺。豬手皮滑肉軟，入口溶化。麵條煙靭彈牙。酸辣湯味道都唔錯，用料十足，酸辣味道適中，不會太辣或太酸。餃子叫左蒸白菜豬肉餃10隻，外形特別，是自家制作，粒粒飽滿，晶瑩剔透，肉質富有汁感。都幾好食。小食就選了千層醬豬耳細$25，豬耳是一片片，都好爽口，口感十足，都有好多片，下層鋪滿青瓜絲，加入特制秘汁，都好醒胃。