滿江紅小甜甜 (Closed)

行完銅鑼灣，但又想食中菜，就諗到來呢間小甜甜。食過旺角分店，灣仔相對地無咁多人，起碼唔洗等位。坐低，叫左個奇味雞煲，炸饅頭，蒜香雞翼，炒土豆絲，同豉椒炒蜆。奇味雞煲有少少失望，因為個味就唔太惹味，辣又唔夠，味又唔夠，所以失色左。炸饅頭就抵食，好多個，亦好味。蒜香雞翼香口，不過不失。炒土豆絲反而有驚喜，因為平時好少食到，亦唔會自己整，爽口得來又夠味，不錯！炒蜆就勁辣，同有啲沙，鑊氣都唔夠大排擋來。整體好食，不過下次要揀過啲更好味既！