蘇媽.蘇媽馬來西亞茶餐室 (Closed)

突然之間好想飲肉骨茶，晚上行過尖沙咀見到 《蘇媽.蘇媽》，立即入咗去食嘢！餐廳裝飾簡單有特色，前面係酒吧🍸位置後面就係餐廳，客人食完晚飯可以去酒吧區飲杯嘢！🔸招牌砂煲老鼠粉🔸呢款係招牌菜👍🏻，用砂煲盛載，保持食物熱辣辣，面頭好多配料，老鼠粉用特製醬油炒香，每條粉也上滿色入哂味，客人把全部食物撈勻一齊食好香好惹味呵🤤🔸高佬麵配雞扒🔸有好大塊燒雞扒，秘製醬汁撈公仔麵，加有配菜花生、魚乾仔、青瓜🥒、辣椒醬🌶️，混合半熟蛋🍳一齊食，好滋味呀！😋🔸百吉爹肉骨茶 （豬腳彎）🔸肉骨茶可以無限添加🥰，呢款肉骨茶係有少少藥材味道，濃郁好欴，趁熱飲咗3大碗，肉骨茶可以有多款肉類可以選擇，今次我哋揀咗豬腳彎啖啖肉，有一層層皮、筋及瘦肉，好有骨膠原呀🥰，仲有豆卜及金菇，餐廳提供黑豉油、頭抽、指天椒粒及蒜蓉給客人調味用👍🏻🔸椰香咖央多士🔸有4件多士，要趁熱食，多士烤得金黃香脆，內面有厚厚的斑蘭椰香咖央，食落有好香椰香味道🔸桔仔話梅水 （凍）🔸食完啲味道比較濃味嘅食物，話梅水解油膩又解渴🔸冬瓜龍眼茶 （熱）🔸又可以點熱飲，滋潤又養生🥰