圍威喂 (荃灣廣場) (Closed)

朋友今日想食泰國菜，我就想食馬拉菜，咁嘅情況下就唯有揀間東南亞美食餐廳，試過圍威喂，上網睇吓 原來荃灣廣場有一間，今日就試一試。餐廳裝修好新淨，好摩登，顏色如粉紅色粉黃色粉藍色，都係一啲比較鮮色撞色裝飾同比較啱打卡嘅餐廳Cafe感覺。啱晒後生仔。睇吓餐牌選擇非常多，所以最終今日特別啲揀咗一個冬陰功海鮮火鍋，有先魚片青口顯魚蛋魚片，仲有好多菜再加兩個烏冬，泰式一人火鍋，咁多配料價錢好似都係$100頭，性價比算高。燒豬頸肉-豬頸肉燒得唔太濃，啱啱好，個醬汁酸酸甜甜，應該係自家製調校幾特別。由於今次佢哋餐廳比較忙比較多人，所以都等咗一陣先上到燒豬頸肉，但係食落去都係熱辣辣，感覺到佢哋係即叫即整，用心製作。泰式蝦餅-好大牙，醬汁酸酸甜甜好開胃，佢哋蝦餅嘅口感比一般平時食開嘅蝦餅，佢哋蝦餅嘅蝦肉相對稍為「再實少少」，如果平時鍾意食比較有咬口嘅食物嘅朋友可以試試，如果鍾意食比較「軟淋淋」食物嘅朋友我更加推薦佢哋食餐廳嘅單骨雞翼，上次食過，雞翼斬半更加容易入口同拆骨，而且雞肉易咬滑嘟嘟。圍威喂特色飲品-話梅柑桔檸檬🍋 話梅新進紙鶴，配金橘檸檬潤喉，一杯解渴開胃酸味味嘅飲品，啱我口味！