Video
Read full review
2023-07-27
16 views
呢間車仔麵好高質又抵食，醬料配料都係自家製，主打一啲潮汕嘅食材，平時好少見到呢啲餸，好特別又好食！餐廳舖頭唔算好大，但整體都乾淨企理，見佢外賣單都接個唔停，相信午市嚟嘅時候都會爆曬場要排隊等位！喺呢度叫返一碗車仔麵，配上自己鍾意食嘅餸菜，可以試一試佢哋自家包嘅餃子，加入秘製嘅咖喱汁、瑞士汁、沙嗲汁、麻辣醬或者招牌黃金雞湯，如果鍾意辣嘅，仲可以加埋餐廳自家炒嘅菜脯，夠晒惹味！再叫返幾個潮汕小食，好抵食豐富，比起連鎖嘅米線出色好多！------------------------------🍜◖秘製黃金雞湯米線◗ $66佢嘅車仔麵係每樣配料加錢咁樣，揀咗米線底（$10），配上佢哋嘅秘製黃金雞湯（$3），餸方面就揀咗「有魷魚的魷魚丸$11」、胡椒豬肚丸（$11）、豬紅（$9）、瑞士汁雞中翼（$12）、生菜（$10），啲餸菜都幾特別而且高質，價錢又唔貴，每款都大概係$9-$12左右！幾鍾意佢個胡椒豬肚院同埋魷魚丸，好有口感同埋肉嘅感覺，味道調配得啱啱好，出面真係好少見到！同埋好欣賞佢過黃金雞湯，用咗南瓜同雞牛熬出嚟嘅湯頭，好甘甜唔會蓋過其他食材嘅味道！🧆◖滋味無窮紫菜四寶◗ $39 呢個小
喺呢度叫返一碗車仔麵，配上自己鍾意食嘅餸菜，可以試一試佢哋自家包嘅餃子，加入秘製嘅咖喱汁、瑞士汁、沙嗲汁、麻辣醬或者招牌黃金雞湯，如果鍾意辣嘅，仲可以加埋餐廳自家炒嘅菜脯，夠晒惹味！再叫返幾個潮汕小食，好抵食豐富，比起連鎖嘅米線出色好多！
------------------------------
🍜◖秘製黃金雞湯米線◗ $66
佢嘅車仔麵係每樣配料加錢咁樣，揀咗米線底（$10），配上佢哋嘅秘製黃金雞湯（$3），餸方面就揀咗「有魷魚的魷魚丸$11」、胡椒豬肚丸（$11）、豬紅（$9）、瑞士汁雞中翼（$12）、生菜（$10），啲餸菜都幾特別而且高質，價錢又唔貴，每款都大概係$9-$12左右！幾鍾意佢個胡椒豬肚院同埋魷魚丸，好有口感同埋肉嘅感覺，味道調配得啱啱好，出面真係好少見到！同埋好欣賞佢過黃金雞湯，用咗南瓜同雞牛熬出嚟嘅湯頭，好甘甜唔會蓋過其他食材嘅味道！
🧆◖滋味無窮紫菜四寶◗ $39
呢個小食真係必要，有齊晒四款特色丸類：潮汕手工小米粿、特級瀬尿牛筋丸、汕尾馬駮豬肉丸、有魷魚的魷魚丸，一次過試晒佢哋四款招牌嘅餸，湯底仲要用咗招牌嘅黃金雞湯，超正！
🍗◖生炸香辣單骨雞翼◗ $26
有大概三隻雞翼，分開咗做單骨雞翼，炸得外皮酥脆好香口，面頭淋咗啲味粉，鹹鹹地有少少辣味！
🐂◖一試難忘沙嗲牛腩◗ $45
佢嘅沙嗲醬花生味都幾濃郁，牛腩用咗牛筋腩，牛筋嘅部份好多，口感爽脆黏口。另外用咗啲白蘿蔔鋪底，食落冇咩根，吸晒啲牛肉同沙嗲嘅香味，正！
🥟◖鎮店鴛鴦餃◗ $26
小店裏面嘅餃子都係自家手工包，呢度有四粒菜肉餃同三粒韭菜餃，菜肉餃識落好香好Juicy，外皮好薄；韭菜餃比較厚皮，食落更有口感，裏面嘅韭菜餡好大份，好香！
🥘◖咖喱三寶◗ $36
呢個餸真係必要，拼盤已經包咗咖喱水魷魚、咖喱魚蛋同咖喱牛柏葉，全部都炆煮得好腍好入味～
🍢◖生炸潮汕三寶◗ $33
呢個小食有汕尾馬鮫豬肉丸、深海粒粒墨魚丸、有魷魚的魷魚丸，外脆內軟，呢啲本身帶有鮮味，炸完之後食落更加香！
🍋◖凍檸水◗ +$8
🌟 Encore指數：9/10
Post
