花朝軒 (Closed)

聽朋友講呢度有一間好有特色又好味嘅餐廳，所以今晚揸車就入嚟食啦。一入到黎就見到呢度既裝修好靚，有種懷舊又高級嘅感覺。呢個燉湯真係好足料，唔止飲落好味，而且感覺冇味精，連啲湯渣都好好味啊。我最鍾意就係食芝士焗龍蝦伊面，個龍蝦食落好新鮮，肉質好鮮嫩，而芝士份量啱啱好，唔會無味亦唔會太滯。呢個豉椒炒聖子王都好新鮮，而且每隻聖子都有肉，唔會好似平時啲餐廳咁得個殼，或者甩晒出嚟，而且豉椒夠晒香。估唔到呢度都有胡麻醬手撕雞，雞肉好嫩滑，襯埋啲青瓜食落好fresh好開胃。避風塘排骨一上枱已經聞到好香啦，整得熱辣辣，食落外脆內嫩，可以食多幾碗飯啊。呢間中菜廳真係夠晒高質，而且價錢又唔貴，雖然地點唔係咁方便，不過都岩哂有揸車嘅朋友入嚟食啊。