La Postre (永樂街) (Closed)

位於中環的 LaPostre 位置十分方便,  鄰近上環地鐵站旁。呢間餐廳裝修風格十分有西班牙味道， 絕對係打卡勝地， 而且餐廳歡迎包場，十分方便私人派對或者公司event。 炸魷魚圈配蒜香文厘汁，魷魚圈炸到外脆內軟， 配蒜香文厘汁，味道酸酸甜甜十分好食， 而且十分大份， 價錢十分實惠。 黑毛豬火腿可樂餅， 薯蓉配黑毛豬火腿， 炸後， 口感一流， 黑毛豬火腿鹹香味濃， 絕對值得一試。 慢煮八爪魚配海鮮薯蓉及黑松露蛋黃醬， 慢煮八爪魚令到八爪魚唔會過韌， 而且下面配海鮮薯蓉，味道鮮味可口，同黑松露蛋黃醬出奇地夾。 西班牙豬仔骨配蜜糖芥末汁， 豬仔骨烤到恰到好處， 軟嫩可口，一啲都唔韌， 配埋蜜糖芥末醬，滋味更出。女王麻薯窩夫荔枝麻薯， 呢個甜品其實好好食，麻薯窩夫咬落去煙煙靭靭， 出面有十分香脆， 配埋水果食，成件事好fresh。 最後叫咗個桂花荔枝茶， 桂花味十分濃，荔枝味都好出，而且裏面有三粒大荔枝， 成件事 十分鐘juicy。呢間餐廳絕對係聚會打卡熱點， 值得回顧。