土生花 (Closed)

係k11 行街，行到咁上下，都要埋野食下，度度都咁多人，想坐得寧靜又舒服，我地上左7樓睇孔雀，見到土生花係食韓國菜，啱晒我地。呢度裝飾得好靚，而且座位寬敞，有私人空間。好，坐低睇下有咩好食先。韓式醬油鮑魚伴海草，因為用上韓式醬油，所以會濃味一點，夾埋個海洋食就剛剛好。鮑魚食落好入味，而且個海草爽口。泡菜豬肉椰菜卷，呢個泡菜同平時食嘅有少少唔同，係水泡菜包住豬肉卷，因為發酵過係白色，食落唔辣帶微酸。秘製人蔘雞湯，真係原隻大肥雞，仲有一支支人參，成個湯好補氣，雖然係雞湯，但飲落好清唔油膩，帶有人參甘香。隻肥雞食完都好夠飽。甜辣酥炸菇菌，呢個菜好得意，大家叫佢做咕嚕菇，佢有咕嚕肉嘅外表，食落外層炸酥脆，真身就係菇菇，味道酸酸甜甜，係韓式甜辣醬，就係甜辣炸雞個味道，上面嘅點點，原來係芝麻葉子磨成粉，用黎做調味，呢個菜係必食推介。韓式蔬菜拌飯，呢個bibimbap同傳統嘅蔬菜整整齊齊放好有少少唔同，同樣係用上各種蔬菜，造型有新鮮感，主廚係韓國人，希望做到附合香港人口味。人參酒soju，呢支勁嘢，用中型參釀製，浸左5-6個月，好強人參味，裡面用bb參做裝飾，雖然有25度，但個人參味強過酒味，飲落好