茴香 (Closed)

最近好耐無食泰國菜，所以就去左尖沙咀山林道既一間泰國fusion菜【Fennel】食左個dinner啦。餐廳裝修好精緻、不過座位唔係算好多，最好先book位。餐廳最特別係佢地既salad bar，無限次數攞。今次就叫左晚餐4 courses dinner，包salad bar、餐湯、頭盤同main。 Salad bar：有幾款小食肉類芝士同3款沙律菜同水果，仲要有蟹脚（不過我對蟹過敏所以無食到）。個人覺得所有沙律食材都幾新鮮，無曬就會再添。 餐湯—南瓜湯：同平時外面食既南瓜湯好唔同，南瓜似燒過先再整成湯，有種非常獨特既香味。 頭盤—泰式小食拼盤：分量超級多，同平時出面食到既小食好唔同。非常香脆、而且調味好特別。個人最推薦魷魚餅。 辣椒膏炒魷魚筒：原隻魷魚加洋葱、三色椒炒落左辣椒膏非常惹味又唔會太辣。 Main—片皮鴨手工薄餅：每一塊pizza上面都有好多片皮鴨肉、調味唔會太重，皮非常薄脆。 泰式西班牙海鮮炒飯：調味係泰式調味、但造型係西班牙海鮮飯，好多海鮮、調味特別，個人覺得油左少少。 宜家只要訂座，就可以以優惠價換購特別菜色，星期二加$2就可以有泰式小食拼盤超級抵（星期五除外）。