Video
Read full review
2018-09-06
574 views
平時好少去長沙灣食野，去開西九龍做野，於是就約埋男朋友係呢頭周圍行下，順便發掘下有無咩好野食。行行下見到Second Bite呢間餐廳，名好有趣，好似話俾你聽，當你食完一啖之後，你就會再食第2啖，第3啖咁。望落個門面都幾有特色，裝潢有少少美式工廈風風格，應該係個唔錯嘅選擇，於是就走左入面，獻出我地GE第一Bite！餐廳好有藝術同鬼馬嘅感覺，上上下下，左左右右都掛住唔同嘅畫作，畫風帶點幽默嘅，帶點超現實嘅感覺，好似想帶你走出現實咁。黑色嘅牆身，簡單咁有一個字句「I Love you to the moon and back」，今日同男朋友黎食飯，而另一句正中心坎，不自覺咁笑左出。=)桌上已經擺好左餐具迎接我地，而我同男朋友亦都好急不及待睇餐牌，點野食。我地叫左個頭盤 凱撒炭燒雞扒沙律($128)，本身打算用黎墊一墊肚，等主食到，估唔到有意外驚喜。菜、麵包粒、同沙律醬我覺得係食料到位就OKAY嫁啦，令我地驚喜GE係佢GE雞扒，雞肉經過調味，有D咸咸地甜甜地GE燒汁味，雖然唔知隻雞係咩名堂，但肉質非常、非常、非常之嫩 同埋 皮好薄，完全食唔到有肥膏。我本身唔食雞皮唔鐘意佢果種口感，但佢GE口
平時好少去長沙灣食野，去開西九龍做野，於是就約埋男朋友係呢頭周圍行下，順便發掘下有無咩好野食。行行下見到Second Bite呢間餐廳，名好有趣，好似話俾你聽，當你食完一啖之後，你就會再食第2啖，第3啖咁。望落個門面都幾有特色，裝潢有少少美式工廈風風格，應該係個唔錯嘅選擇，於是就走左入面，獻出我地GE第一Bite！
餐廳好有藝術同鬼馬嘅感覺，上上下下，左左右右都掛住唔同嘅畫作，畫風帶點幽默嘅，帶點超現實嘅感覺，好似想帶你走出現實咁。黑色嘅牆身，簡單咁有一個字句「I Love you to the moon and back」，今日同男朋友黎食飯，而另一句正中心坎，不自覺咁笑左出。=)
桌上已經擺好左餐具迎接我地，而我同男朋友亦都好急不及待睇餐牌，點野食。
凱撒炭燒雞扒沙律
$128
12 views
0 likes
0 comments
我地叫左個頭盤 凱撒炭燒雞扒沙律($128)，本身打算用黎墊一墊肚，等主食到，估唔到有意外驚喜。菜、麵包粒、同沙律醬我覺得係食料到位就OKAY嫁啦，令我地驚喜GE係佢GE雞扒，雞肉經過調味，有D咸咸地甜甜地GE燒汁味，雖然唔知隻雞係咩名堂，但肉質非常、非常、非常之嫩 同埋 皮好薄，完全食唔到有肥膏。我本身唔食雞皮唔鐘意佢果種口感，但佢GE口感係爽爽地，係令我肯放入口GE！
男朋友叫左2隻蠔($96)，由法國進口，蠔非常之新鮮同肥美，男朋友話檸檬同茄汁完全唔需要，因為基本唔腥，佢仲係度不停同我講佢自己飲緊法國GE海水，天然！笑死我。
手抓海鮮
$96
82 views
0 likes
0 comments
再叫左個手抓海鮮，簡左扇貝($68)做主菜、西蘭花($28)同翠玉瓜($28)配招牌辣醬拌埋一齊炒。未上檯就已經知好食，事關侍應老遠行過黎嘅時候已經聞到香辣味！當放到係面前時，我地就知我地嘅直覺係準嘅，西蘭花同翠玉色澤非常鮮綠，而扇貝亦都好新鮮大粒，廚師係火喉拿掐得剛好，蔬菜保持到爽口而無煮到變黃變苦，加埋個招牌辣醬炒勁野味同好好食！個醬真係加分不少！店家見我地大讚個醬好食，於是就再拎埋蒜容牛油同胡椒奶油俾我地試，另外2個醬都好食，男朋友鐘意蒜容牛油，我就情傾招牌辣醬。
主菜 鱸魚燴飯
$168
23 views
0 likes
0 comments
主菜 鱸魚燴飯($168)終於登場，未食個樣已經夠加分，鱸魚經過煎封，魚皮香香脆脆但唔油膩，魚肉俾左少少調味，單食會有D淡味，但燴飯好Creamy，再加埋洋蔥甜甜地，幾樣野配合起黎，味道就剛剛好！
呢間餐廳有驚喜，Like！
Post
