Video
Read full review
2024-06-26
155 views
成日路過呢間餐廳都覺得好神秘，然後個名叫狗毛又好得意，今日終於拉到朋友一齊去試。開頭以為佢剩係得打邊爐，點知睇吓Menu發現佢有一堆泰菜嘅選擇，覺得呢個fusion都幾搞笑，當然我哋入到嚟一定都要打邊爐啦。餐廳本身有幾款免費嘅湯底，只要follow 社交平台同埋repost就得，於是我哋試咗個胡椒豬肚湯底，個煲大概有三至四嚿豬骨，同埋一堆腐竹，腐竹煲到索曬湯底啲味之後好正🤩餐廳服務好好，店員會提你佢哋有啲免費嘅鴨血同埋蜂巢豆腐，仲會不停留意你個邊爐使唔使加水，有冇需要其他嘢食等等。我哋兩個人叫咗一個細海鮮拼盤，份量啱啱好二人份量基本上每樣嘢都有兩隻，有扇貝、鮑魚、蟶子、蝦、同埋一堆花甲，海鮮係急凍既上枱都幾新鮮，同埋好貼心地，鮑魚佢已經預先幫你拆咗殼，等我哋唔會食得太論盡。而且花甲係一粒沙都冇已經處理好晒，值得加分。仲有一碟手打四寶丸，有墨魚丸、蝦丸、豬肉丸、牛肉丸。個人最鍾意墨魚丸同蝦丸，食得出係起膠彈牙嘅感覺，師傅應該真係功夫去製作😆然後仲叫咗一碟手切牛肉，牛肉油脂分布好平均，而且唔係肥牛嗰隻好肥嘅牛肉，只需要淥5秒左右就可以食，牛味好夠，我冇諗過我哋兩個女仔竟然食得晒碟牛肉🤣另外
開頭以為佢剩係得打邊爐，點知睇吓Menu發現佢有一堆泰菜嘅選擇，覺得呢個fusion都幾搞笑，當然我哋入到嚟一定都要打邊爐啦。餐廳本身有幾款免費嘅湯底，只要follow 社交平台同埋repost就得，於是我哋試咗個胡椒豬肚湯底，個煲大概有三至四嚿豬骨，同埋一堆腐竹，腐竹煲到索曬湯底啲味之後好正🤩
餐廳服務好好，店員會提你佢哋有啲免費嘅鴨血同埋蜂巢豆腐，仲會不停留意你個邊爐使唔使加水，有冇需要其他嘢食等等。
我哋兩個人叫咗一個細海鮮拼盤，份量啱啱好二人份量基本上每樣嘢都有兩隻，有扇貝、鮑魚、蟶子、蝦、同埋一堆花甲，海鮮係急凍既上枱都幾新鮮，同埋好貼心地，鮑魚佢已經預先幫你拆咗殼，等我哋唔會食得太論盡。而且花甲係一粒沙都冇已經處理好晒，值得加分。
仲有一碟手打四寶丸，有墨魚丸、蝦丸、豬肉丸、牛肉丸。個人最鍾意墨魚丸同蝦丸，食得出係起膠彈牙嘅感覺，師傅應該真係功夫去製作😆
然後仲叫咗一碟手切牛肉，牛肉油脂分布好平均，而且唔係肥牛嗰隻好肥嘅牛肉，只需要淥5秒左右就可以食，牛味好夠，我冇諗過我哋兩個女仔竟然食得晒碟牛肉🤣
另外佢有泰菜實在太搞笑，忍唔住叫咗個小食拼盤，小食拼盤有蝦餅春卷魚餅魚卷雞，非常足料，小食拼盤整體係外面九龍城食泰國嘢嘅Level，冇諗過會係一間打邊爐嘅餐廳食到😆
雖然人均消費比較高，但係餐廳環境同埋服務都非常舒適，如果係慶祝特別節日，或者約咗屋企人嘅話都可以嚟食。最後仲送咗泰式椰汁糕，係呢一餐完美嘅句號。
Post
