Biergarten

Open Now

Now Closed

好耐冇試過星期五晚可以安安樂樂出街食飯，一班朋友就話選擇重新開放嘅尖沙咀區，咁高興嘅日子，梗係要食得重型啲慶祝一下，於是就揀咗呢一間德國餐廳。聽聞呢間野開咗幾十年，主打德國食品同埋來自德國嘅啤酒，坐低嗰陣未齊人，於是叫咗個香腸拼盤，一邊食一邊飲住啤酒等齊腳。講真，香腸拼盤中規中矩啦，咁德國嘅香腸又真係味道唔錯嘅，至於啤酒我哋就揀咗Bitburger生啤，呢隻啤酒係德國嘅時候飲過，好好飲，有時超市都會見到有得賣，但係生啤就少啲機會喺香港飲到，入口好爽，嗰種清澈嘅感覺難以形容。人妻之後我哋叫咗一個牛扒，另外唔少得嘅梗係德國豬手啦，個豬手做得好香，配埋德國酸菜真係好好食，我個人覺得一班朋友食住豬手飲住啤酒，此刻無價，希望以後都有安樂茶飯食啦。