諸勝堂

Open Now

Now Closed

星期一年廿九唔駛返工，唔想自己煮出前一丁食甘頹，於是行去西灣河睇下有咩岩食。經過呢間餐廳既野食幾岩我胃口，於是入去解決我既午餐醫肚。我叫左叉燒蝦仁雙併日本滑蛋飯+奶油脆豬+熱檸絲襪奶茶，食到好飽。所有食物都係即叫即製，侍應服務態度亦都好好。叉燒蝦仁雙併日本滑蛋飯我叫左走蔥，白飯底，加左啲粟米粒，我幾欣賞，無炒飯甘肥之外，又食到粟米粒既清甜。滑蛋好嫩滑，鋪滿晒飯上面，叉燒唔會鞋口，蝦仁爽口，自家製甜豉油都唔錯，好味道。奶油大脆豬仔包散叫$18，真係好大個，而且煉奶俾得好多，豬仔包脆身得黎又唔𠝹口，好正。熱絲襪奶茶枱上有糖俾你自己拎黎落，飲落都幾香滑。