Kotori_Lbird

Open Now

Now Closed

今日係荔枝角憶利大廈買野，醒起隔離時豐中心有間好特別既關東煮外賣，點解特別呢，因為佢係黑色咖🖤仲要係日本人主理。由於太多選擇唔知揀咩好，就order咗個廚師發辦套餐($55)，有一大碗關東煮🍢，一碗十五穀飯，同埋兩條炸雞柳。呢個價錢食到咁多野真係嚇親。廚師發辦真係好誇張，有一隻日本水煮蛋、大大件蘿蔔、豆腐、年糕福袋、雞軟骨丸、日本黑魔芋、野菜丸，仲有一粒北海道黃色薯仔。所有食材都岩岩好入味，唔會煮到過淋，雞蛋係嫩滑既，薯仔超正，又甜又粉，以為食緊蕃薯🍠。另外雞柳係即叫即炸熱辣辣，十五穀飯非常有口感，感覺好健康，份量又係超多，我估男仔都夠飽。