稻香超級漁港 (Closed)

25號(星期三)獨自去左九龍灣稻香叫一蚊雞,今次隻雞一般九龍灣稻香既一蚊雞係做"貴妃穗香雞" 是晚叫了以下菜式:1. 貴妃穗香雞,隻雞冇咩雞味,雞肉亦略為粗鞋,不過一蚊雞,算啦2. 魚湯花膠雜菇浸白菜,魚湯幾有鮮味,味道剛好,花膠不腥,雜菌同菜都幾入味,唔錯3. 海哲拚青瓜,清瓜好清甜,海哲亦爽脆,配埋個有麻香,微辣,酸甜既汁,有一種清新解膩既感覺呀貴妃穗香雞一隻 $1 魚湯花膠雜菇浸白菜 $55 海哲拚青瓜 $23 白飯一碗 $10 茶,芥,加一 合共 $100 用DBS信用卡簽賬有八八折優惠 總結食物味道過得去啦,服務幾好,環境同衛生亦可以,有機會會再黎既