Moxie (Closed)

聽講Moxie係中環另一間米芝蓮餐廳嘅姊妹餐廳. 主打素食及健康食材. 抱住冒險精神嚟試下.餐廳俾行人路分開兩邊. 一邊吧枱望住廚師煮嘢食. 另一邊地方窄窄哋. 用竹做圍欄. 普通二人四人餐枱.頭盤點咗 Hokkaido Scallops. 輕輕燒咗. 味道正常. 老實講, 唔特別. 睇其他食評醬汁應該係綠色嘅. 我食嘅時候就泰式雞醬 (!)主菜 Karana Jackfruit Crostillant. 墨西哥口味. 脆皮簿多士包住白豆. 放喺凍嘅生菜上面. 底下有蕃茄醬. 每啖都幾樣夾埋一齊食, 幾特別. 不過未必係大眾口味.另一主菜 Seared Fremantle Octopus. 燒得好香. 八爪魚煮得好腍. 夾埋水牛芝士蘿蔔一齊食, 效果唔錯. 另外講下油菜花. 本身好腍好甜. 雖然燒燶咗, 但欣賞菜都可燒到咁香. 總結一下: 餐廳位置幾方便. 屬商場行人通道旁. 私隱度較低. 餐牌選擇唔多. 頭盤主菜兩頁紙. 性價比一般. 食物設計幾特別. 但未必係大眾口味. 可以一試.