Video
Read full review
2024-02-19
56 views
平時約啲姐妹👭🏻出嚟最頭痕就係搵餐廳，因為我哋一傾就傾幾粒鐘，好多cafe 都有限時，食得嘢嚟都夠鐘要走，之後朋友介紹呢間悉尼樂園，冇限時，咁我哋就決定去試試佢🤤👀呢間樓上cafe 一入去已經好有feel，同樓下人來人往嘅銅鑼灣形成好大嘅對比，保留懷舊風之餘亦都玩味感好重，有翻版米奇，仲有好多唔同打卡裝飾，我哋食食下仲有幾個女仔專登上嚟跳舞打卡，不過弊處就係佢成間cafe 都好暗🤣豆腐花焙茶拿鐵 $48作為唔太識欣賞咖啡嘅我，次次去Cafe 都係叫奶🤣見到佢有焙茶，梗係諗都唔諗就即刻叫😎拉花好靚，不過杯latte 就有啲淡同冇咩焙茶味，係飲到最後有幾啖豆腐花係底有啲驚喜，豆腐花同焙茶latte 又幾夾🤩鮮炸薯條 $58 每次食cafe 我都要叫薯條，今次都唔例外，呢間嘅薯條有唔同醬嘅選擇：茄醬，黑松露醬，明太子醬，我就揀咗明太子醬，如果你想試多一款醬就可以加$10🤓薯條鮮炸真係唔同啲，外脆內軟，上碟仲係熱辣辣，唔點醬都已經好好食😍反而個明太子醬味道有啲淡，冇咩明太子味，點醬同唔點醬都冇咩分別😂喇沙龍蝦汁配大蝦長通粉 $158第一次食喇沙味嘅pasta，意外地夾，每一粒長通粉都帶有喇沙嘅
豆腐花焙茶拿鐵
$48
2 views
0 likes
0 comments
豆腐花焙茶拿鐵 $48
作為唔太識欣賞咖啡嘅我，次次去Cafe 都係叫奶🤣見到佢有焙茶，梗係諗都唔諗就即刻叫😎拉花好靚，不過杯latte 就有啲淡同冇咩焙茶味，係飲到最後有幾啖豆腐花係底有啲驚喜，豆腐花同焙茶latte 又幾夾🤩
鮮炸薯條
$58
0 views
0 likes
0 comments
鮮炸薯條 $58
每次食cafe 我都要叫薯條，今次都唔例外，呢間嘅薯條有唔同醬嘅選擇：茄醬，黑松露醬，明太子醬，我就揀咗明太子醬，如果你想試多一款醬就可以加$10🤓薯條鮮炸真係唔同啲，外脆內軟，上碟仲係熱辣辣，唔點醬都已經好好食😍反而個明太子醬味道有啲淡，冇咩明太子味，點醬同唔點醬都冇咩分別😂
喇沙龍蝦汁配大蝦長通粉
$158
0 views
0 likes
0 comments
喇沙龍蝦汁配大蝦長通粉 $158
第一次食喇沙味嘅pasta，意外地夾，每一粒長通粉都帶有喇沙嘅香味，而且煮得好彈牙🍝啲大蝦食落都好新鮮，有一種食緊檳城蝦麵嘅感覺，幾特別同過癮🤪🦐
檸檬牛油蟹肉長通粉
$138
0 views
0 likes
0 comments
檸檬牛油蟹肉長通粉 $138
呢間cafe 啲pasta 味道都唔錯，長通粉依然係好彈牙，平時食pasta 都會覺得佢個忌廉汁好膩，食唔到太多，佢呢個加咗啲檸檬汁落去🍋中和咗個個膩嘅感覺，同添加咗一份清新☘️蟹肉份量唔算少但就好碎濕濕咁🦀
一口炸雞(韓式辣汁)
$78
1 views
0 likes
0 comments
一口炸雞(韓式辣汁) $78
成餐飯最失望就係碟炸雞，嘅炸粉太厚，雞肉完全冇味，得出面嘅韓式辣汁味，但完全冇韓式甜辣嘅味道，得一陣死辣味🥴
.
總括嚟講，呢間餐廳好適合打卡同幾個女仔傾下計hea 一個晏就，不過食物質素就有啲參差，如果追求食物質素嘅，係銅鑼灣應該有其他更好嘅選擇👀
Post
