味力冰室

Open Now

Now Closed

又到Lunch時間，凍奶茶係每日都需要飲嘅野，而鰂魚涌其實冰室選擇都幾多，平時行過"味力冰室"都唔知點解超級多人排，見今日自己一支公食飯，入去隊都唔洗排。入到餐廳，位置都擺得好迫下，人同人之間都係得20 - 30 cm相距。因為得一個人，而家都係避免唔倒要同陌生人對住坐。見倒對面個個人叫個叉燒滑蛋飯好似好好食，果斷叫黎試下。"香蔥滑蛋叉燒飯" $58份量黎講係足夠一個成年男人食飽，佢蛋份量相比其他同樣食物係多，我估最少有2-3隻蛋，蛋炒得好滑身同帶少少生蛋白，叉燒質素都唔錯，望落以為係比較乾同柴，但食落係幾冧。但係個蔥食入口好生，如果期望個蔥係軟身嘅可能會有少少難接受。