Video
Read full review
2018-10-10
171 views
Openrice 見到呢度有小朋友生日 package，問一問 receptionist，原來都可以做大人版嘅 party；適逢搵緊一站式嘅 party 地方，同餐廳嘅 event & sales manager 傾好價錢同埋 menu (服務態度非常好，改咗幾轉都非常配合！)，就鐵定喺呢度搞 9 月之星生日 party 啦！我哋有四十幾人，餐廳畀咗成個園林區我哋，因為係最入面自成一角，感覺幾乎包場一樣！可以自備 amplifier 同一支咪，餐廳亦准許我哋用結他。當日早少少嚟到睇 set up，哇實在眼前一亮！空間超大，食物枱上有精心佈置，燈飾更加令人一秒心心眼靠近通往戶外嘅座位，好浪漫排列整齊，唔會覺得逼牆上有手繪壁畫，簡單佈置已經成為打卡熱點聽經理講，呢盞燈係老闆精心挑選購置，千金難求！當晚簡直擄掠全場男女老幼嘅歡心園林區入口有專屬 signageParty food炸魚丸、蝦丸；冬蔭炸雞翼平時出街怕麻煩唔食雞翼，但呢款雞翼係單骨，非常容易咬！是拉差醬燒豬肋骨；雞、牛沙嗲是拉差醬非常惹味 有少少辣，好啱我口味生菜包都係辣度剛剛好，如果生菜細塊返少少就正酸辣海鮮粉絲沙律；柚子沙律兩
我哋有四十幾人，餐廳畀咗成個園林區我哋，因為係最入面自成一角，感覺幾乎包場一樣！
可以自備 amplifier 同一支咪，餐廳亦准許我哋用結他。
當日早少少嚟到睇 set up，哇實在眼前一亮！
空間超大，食物枱上有精心佈置，燈飾更加令人一秒心心眼
靠近通往戶外嘅座位，好浪漫
排列整齊，唔會覺得逼
牆上有手繪壁畫，簡單佈置已經成為打卡熱點
聽經理講，呢盞燈係老闆精心挑選購置，千金難求！
當晚簡直擄掠全場男女老幼嘅歡心
園林區入口有專屬 signage
Party food
炸魚丸、蝦丸；冬蔭炸雞翼平時出街怕麻煩唔食雞翼，但呢款雞翼係單骨，非常容易咬！
是拉差醬燒豬肋骨；雞、牛沙嗲是拉差醬非常惹味 有少少辣，好啱我口味
生菜包都係辣度剛剛好，如果生菜細塊返少少就正
酸辣海鮮粉絲沙律；柚子沙律兩個沙律都非常清爽新鮮
烤豬肉米紙卷
泰至尊薄餅，照燈擺出嚟已經好有氣勢口味獨特創新，好吸引，細細件唔怕食多幾件
素菜春卷；脆炸爆谷雞爆谷雞令我食唔停口，惹味而唔油膩
Phad Thai；菠蘿海鮮炒飯飯麵份量多到食極都食唔完LOL 最後分咗好多盒打包走...
不過呢度嘅 Phad Thai 口味好正宗！
食到最後，正好有清新嘅甜品同生果坊間斑蘭千層糕得 4 層，但呢度有 7 層，已經見到佢與別不同
玫瑰水晶糕有兩款口味 (好似係香芋同斑蘭)，淡淡哋唔太甜
平時唔食甜品嘅我都食咗幾件
飲品吧，自助加冰斟汽水menu 係每人兩罐，但好似飲極都仲有好多咁，好抵玩
全晚都見到餐廳 staff 跑嚟跑去幫我哋 refill 食物同執碟...
無錯係 keep 住幫我哋執碟！服務周到有如酒店自助餐！
總括而言，今次 party 體驗好滿足，由事前洽談、環境、佈置、食物、服務等等都令我哋非常滿意！平均每人只係大約 $250 加一，超抵！真心推介！
Post
