印尼餐廳1968 (Moved) New Location

由於朋友想食印尼餐，所以上網查下，睇吓邊間比較裝修好啲，希望帶朋友去食間正常啲嘅印尼餐，呢間比較失望，裝修唔錯，員工有禮貌，可惜味道好一般，所有食物都超級油，好似啲又唔使錢就要落多啲咁⋯環境可以，唔會好嘈吵，冇乜客人，全晚好似剩係得兩三台客人，感覺似包場。墨魚汁印尼炒飯，香香辣辣，不過好油膩，好多墨魚， $168覺得還可以炒貴叼串燒，串燒還可以，炒貴叼好油膩，唔知點講，一邊食一邊覺得好難受鹹蛋黃炸雞，冇乜鹹蛋黃味，純粹一舊炸雞，不過好奇怪，完全唔脆，望落以為脆卜卜，食入口超級林⋯一人食一舊之後都冇再食落去最後仲叫咗一個炒茄子，唔記得影相，不過超級油，舊茄子好似吸晒好多油咁，大家都冇乜點食。