火土燒肉

行過K11 ，見到鋪天蓋地喺商場嘅廣告，就入去試下。裝修寬敞舒適，行露營風，有休閒開心嘅感覺。👌🏼黑醋冰蕃茄沙律 $28醬汁係柚子汁嘅味道，唔會太酸太甜剛剛好，幾清新。蔬菜就冇乜特別，都係普通沙律菜。全牛特選拼盤 $478🤔牛胸腹：正常水準，冇咩特別印象☹️牛肋肉：比較嚡口硬實，唔係預期中牛肋肉嗰種軟腍腍嫩滑嘅質地🥰雪花牛小排：呢個質地最好，既有厚實嘅口感，有咬口得來又夠柔軟嫩滑🤔牛舌：佢係切到好長好長一大條，唔似平時切到薄薄一片片，再捲着啲蔥，正常水平。🤔蘋果味噌鵝肝片 $138味道比較淡，冇鵝肝嗰種濃郁嘅香味，亦唔係好食到蘋果味或者味噌味。覺得佢應該要有啲鹽同黑椒調味會好啲。🤔牛油燒廣島蠔 $78蠔放喺有蒜蓉牛油嘅錫紙盒入面滾熟佢。因為係滾熟，所以就唔係燒到爽脆嗰種口感。味道正常。👌🏼玉子海苔飯 正常預期中嘅味道。總結：質素正常，唔伏但又冇話好出色。