Video
Read full review
2015-01-31
5676 views
一次過玩完嘉年華+摩天輪！我同肥髀都散晒！仲非常肚餓！在最近ifc搵食，見呢間食物幾特別！不過要搵到上去平台花園嘅電梯都幾難，我在ifc前後要問兩個職員自搵到（不過商場好細心，職員總有一個響左近）去到門口，個玻璃屋已經好吸引，見入面幾滿，都擔心會無位（星期六無訂位）好在店員話只要9時交枱都有二人枱（當時7時半）我都唔係傾偈！所以無問題！被安排坐近門口一張二人枱，枱與枱好密，基本上成餐飯我都聽住隔離枱兩個人傾偈！樓底好高，所以人多都唔嘈雜，燈光昏暗（影食物相要開閃光燈，好唔好意思）枱面有燭光！裝修簡潔唔花巧！欣賞餐具除刀叉之外有比埋木筷子（唔係即棄筷子）可能佢嘅食物帶啲東南亞風！我一向鍾意用筷子多啲（連食薯條都用筷子，唔會叉斷好方便）我穩陣一早睇定食家推介，食物選擇唔算多！全英文餐牌，菜名好詳盡英文介紹！Crispy Fries($68):即叫即炸，熱到辣咀，薯條外脆內軟，重要好乾身，重薯味，用個迷你炸籃上菜好特別，不過薯條唔係主角！個松露沙律醬先至係賣點，好滑好香松露味，配薯條食絕配！食到停唔到口！連平時堅持唔點醬嘅肥髀都點醬食！Rice Paper Roll($108):好特別，米紙
一次過玩完嘉年華+摩天輪！我同肥髀都散晒！仲非常肚餓！在最近ifc搵食，見呢間食物幾特別！不過要搵到上去平台花園嘅電梯都幾難，我在ifc前後要問兩個職員自搵到（不過商場好細心，職員總有一個響左近）去到門口，個玻璃屋已經好吸引，見入面幾滿，都擔心會無位（星期六無訂位）好在店員話只要9時交枱都有二人枱（當時7時半）我都唔係傾偈！所以無問題！
被安排坐近門口一張二人枱，枱與枱好密，基本上成餐飯我都聽住隔離枱兩個人傾偈！樓底好高，所以人多都唔嘈雜，燈光昏暗（影食物相要開閃光燈，好唔好意思）枱面有燭光！裝修簡潔唔花巧！欣賞餐具除刀叉之外有比埋木筷子（唔係即棄筷子）可能佢嘅食物帶啲東南亞風！我一向鍾意用筷子多啲（連食薯條都用筷子，唔會叉斷好方便）我穩陣一早睇定食家推介，食物選擇唔算多！全英文餐牌，菜名好詳盡英文介紹！
Crispy Fries($68):即叫即炸，熱到辣咀，薯條外脆內軟，重要好乾身，重薯味，用個迷你炸籃上菜好特別，不過薯條唔係主角！個松露沙律醬先至係賣點，好滑好香松露味，配薯條食絕配！食到停唔到口！連平時堅持唔點醬嘅肥髀都點醬食！
Rice Paper Roll($108):好特別，米紙包住煙三文魚、蝦、紅菜頭、香草！香草味道好重，不過好鍾意九層塔香味！好清新！我以為肥髀會唔鍾意，點知佢又食！
Beef Burger($148):賣相靚，牛肉漢堡我要5成熟！不過出來好像over了！有肉汁但比較硬！麵包煎過鬆軟，索晒肉汁好味！最驚喜反而係伴碟嘅酸菜，好爽口酸味清爽！清減晒牛肉嘅膩，沙律以帶苦味嘅菜為主，配清新柚子醬食！好味！
Lychee & Rose Twist($52):樣子好靚，荔枝味清新，茶味清爽，帶點檸檬酸好味！解膩一流！食物唔錯，服務更令人感動，店員好勤快，有禮兼親切！我兩人個大袋！店員攞個手袋掛枱勾比我，又幫肥髀放好個好佔位嘅汽球傘！今餐食得好順心！
Post
