Video
Read full review
2023-08-24
175 views
有一間吸引咗我哋好耐嘅和風家庭料理“一汁一菜”就正正開喺朗豪坊嘅地牢。但係依一間食店，喺我哋食完之後，味道比想像中差好多，全部食物都好淡，仲要係唔熱嘅，衛生程度都唔理想，好難再有下次 🫠法式龍蝦濃湯 - 👎/👎x5 負皮指數未食之前我哋滿心期待，尤其是用湯匙攪動，都感覺到佢滿滿材料嘅濃郁，結果一飲落去，淨係得菜粒，而且淡口無味，亦都食唔出有龍蝦肉，似蔬菜蓉"小龍蝦"湯多啲。淨係一啖湯... 我已經覺得好失望😮💨沖繩汁燒大根豬軟骨 - 👎👎/👎x5 負皮指數究竟乜嘢係沖繩汁呢？我自己就冇去過，亦都冇概念係咩黎，但係淨係睇圖片的話，有期待過可能係醬油蘿蔔炆豬軟骨。但係食落口都係好淡，淨係好似食緊少少日式甜醬油味，豬軟骨冇想像中炆到咁淋，而且啲蘿蔔有渣，我哋食咗半份都唔想再食落去😮💨南蠻風味雞扒 - 👎/👎x5 負皮指數講起南蠻雞，就會諗起蛋沙律配唐揚雞，睇餐牌縮圖嘅時候，本身都以為啲汁有少少特色，淋落件炸雞扒度。但係個餐一嚟到，竟然係一件汁煮雞扒配洋蔥，雖然呢個餐係成個晚飯比較有味道嘅一碟，但係啲雞都係煮得太老，似係廚房一早煮定，不停用鐵盤翻熱😮💨蜜桃紅茶 - 👎/👎x5 負皮指數成
法式龍蝦濃湯
5 views
0 likes
0 comments
法式龍蝦濃湯 - 👎/👎x5 負皮指數
未食之前我哋滿心期待，尤其是用湯匙攪動，都感覺到佢滿滿材料嘅濃郁，結果一飲落去，淨係得菜粒，而且淡口無味，亦都食唔出有龍蝦肉，似蔬菜蓉"小龍蝦"湯多啲。淨係一啖湯... 我已經覺得好失望😮💨
沖繩汁燒大根豬軟骨
98 views
0 likes
0 comments
沖繩汁燒大根豬軟骨 - 👎👎/👎x5 負皮指數
究竟乜嘢係沖繩汁呢？我自己就冇去過，亦都冇概念係咩黎，但係淨係睇圖片的話，有期待過可能係醬油蘿蔔炆豬軟骨。但係食落口都係好淡，淨係好似食緊少少日式甜醬油味，豬軟骨冇想像中炆到咁淋，而且啲蘿蔔有渣，我哋食咗半份都唔想再食落去😮💨
南蠻風味雞扒
59 views
0 likes
0 comments
南蠻風味雞扒 - 👎/👎x5 負皮指數
講起南蠻雞，就會諗起蛋沙律配唐揚雞，睇餐牌縮圖嘅時候，本身都以為啲汁有少少特色，淋落件炸雞扒度。但係個餐一嚟到，竟然係一件汁煮雞扒配洋蔥，雖然呢個餐係成個晚飯比較有味道嘅一碟，但係啲雞都係煮得太老，似係廚房一早煮定，不停用鐵盤翻熱😮💨
蜜桃紅茶 - 👎/👎x5 負皮指數
成餐飯食咗咁多奇奇怪怪嘅嘢，總算有杯野飲得落口，佢係唯一一樣可以正常入到口嘅東西，冇特別，就係普通嘅凍蜜桃紅茶，可以話以呢間餐廳嚟講冇評價已經係最好嘅評價😮💨
總結：呢一餐飯食咗$220左右，但係用呢個價錢，同樣和風家庭料理，會有更好嘅選擇。而且喺全個晚飯中，有三四隻烏蠅仔飛嚟飛去，餐廳無論食物質素，定係衛生程度都令人質疑。
Post
