Lockeroom Dining (朗晴坊) (Closed)

今晚同朋友去旺角朗晴店嘅Lockeroom食晚餐，我地好鍾意樓上店，勝在夠清靜，環境好舒服，適合朋友聚會倾偈。我地鍾意睇波，店內有好多波衫做裝飾，又有鳥籠座位，好有特色。晚餐都有十幾種，乜都有得揀，種類多，我地揀左香煎石斑魚拼日本北海道刺身帶子和香煮澳洲羊架拼德國腸。兩碟賣相都好靚。我地先飲湯，南瓜湯味濃，好好飲，又有沙律和蒜蓉包。石斑魚煎得好香，脆脆地，再加上特配的汁，好惹味。帶子好新鲜，好好味。羊架7成熟，肉嫩好食，無羊肉的蘇味，我地好快食曬。