瑞士咖啡室 (Closed)

等左五日終於放假，今天去左樂富探下朋友，大家好耐冇見，喺朋友屋企不經不覺一傾就由朝傾到夜晚，大家都肚餓就一齊去左食晚飯。朋友帶左我去樂富廣場一樓的瑞士咖啡室，一去到已經有人排隊，我地排隊等位等左約五分鐘左右就入得，吾算好耐。今晚叫左瑞士常餐A $50 包火腿奄列牛油多士，瑞士雞翼公仔麵，可轉通粉、意粉、米粉，雞翼幾香；另叫左撈公仔麵餐B $50 瑞士雞脾撈公仔麵，瑞士汁好惹味，但雞脾肉唔夠滑。套餐奉送咖啡或茶，凍飲加$3。