陳儀興尚潮樓 (英皇道)

Open Now

Now Closed

📍今日同屋企人食潮州菜，呢間菜館坐得舒服又幽靜，店員禮貌亦非常好，同長輩嚟食都係唔錯選擇。嚟到會先有功夫茶同鹹酸菜比我哋，鹹酸菜麻油味好香濃，食落好香好開胃！叫咗招牌鵝三寶($298)，入邊有鵝肝、鵝腸同埋鵝肉，滷水汁唔太鹹，點埋醋同埋辣椒油就更加惹味。頭抽煎英䱽($488)煎得外皮香脆，但係又可以封住入邊嘅汁，魚肉口感嫩滑，我哋都覺得呢個魚做得好出色。另外叫碗潮式魚丸肉碎煮汕頭白($228)，面頭有八粒大魚蛋，魚蛋好香胡椒味又冇魚腥味，個味道會比較濃味。鹹菜花蛤湯($78)本身都驚過味道會比較鹹，但係因為加咗蕃茄入去，又帶少少酸甜味都幾開胃，大家都適合飲！