GREEN

今日經過尖東，想找一個環境好的地方跟朋友好好傾偈，之前在這個餐廳食個晚餐，感覺非常良好，所以今日特登過嚟就揀呢間餐廳進食，餐廳位於酒店入邊，樓底好高，裝修都唔錯，而且空間感很寬闊，環境很好！但始終餐廳都講求食物質素，所以講返啲食物先！中午來到，呢度有提供午餐套餐，有三個course同埋四個course選擇，最後揀咗四個course！首先講吓啲麵包，正正常常，感覺上唔係自己做，應該係攞返嚟！前菜方面我就揀咗煙三文魚，呢個總算唔錯，因為煙三文魚都已經醃好咗，配埋牛油果，整體都好夾！前菜絕對可以，同朋友一樣鍾意食牛肉，大家都揀咗阿根廷西冷嫩裙邊，雖然嫩裙邊，但係我覺得好韌，而且好多筋膜，呢個我就覺得麻麻哋！另外甜品方面，都係正正常常！我覺得浪費咗咁好嘅環境，希望餐廳食物品質，咁就更加多回頭客啦！