新泰東南亞餐廳 (Closed)

收工又係時候約朋友食飯喇！朋友喺港島番工，就揀左間就腳啲既餐廳。呢次黎到既餐廳係位於灣仔W Square既新泰東南亞餐廳。因為都熟灣仔路，所以好易搵到。Openrice就建議人喺銅鑼灣站A出口出既，但我覺得灣仔站A3出口都okay。都係沿住軒尼詩道行，唔識路望住啲門牌都好易搵～我地兩個人去，都叫左幾多野下🙈🙈拼盤（蝦餅、魚餅、炸春卷、肉碎生菜包） ($198)同朋友好肚餓既關係，膽粗粗點左個大拼盤，之後先見人地係4個人食既。有炸春卷、蝦餅、肉碎同魚餅。我自己就覺得蝦餅同肉碎最好味～肉碎好重香茅味，用生菜包住黎食非常惹味！蝦餅脆卜卜，唔需要點泰式辣醬就夠味，不過點左都好正我好中意越式既炸春卷，今次呢隻春卷就唔同，同我地平時飲茶食既春卷果隻皮一樣，我自己就中意越南果隻多啲魚餅都唔錯，好彈牙，好中意呢種口感。每樣小食都有四舊，兩個人食一個已經超夠！！串燒羊肉 ($88/四串)羊肉唔算膻，怕膻既朋友都可以食。不過好似太多失色水果啊、青椒果啲，令到羊肉變左配角咁 不過可能傳統既串燒就係咁整啦！下次黎試埋其他串燒先冬蔭功海鮮炒飯 ($85)好好味既炒飯，辣度適中，就算我唔係好食辣都尚接受到～有大大