Video
Read full review
2019-04-03
85 views
響觀塘apm同個客開完會，做完嘢成五點，未食Lunch好肚餓但又未食得晚飯，同同事兩個人響商場兜左一陣，見佢有位，門口餐牌又唔算貴 (之前午餐時間經過幾次，都係滿座)，就揀哩度食啲嘢先返屋企。(因為工作關係都幾食無定時，但係又可以響啲冇咁忙嘅時間，食到啲平時要排隊等位嘅餐廳都幾好。)哩度環境唔錯，坐到窗邊高枱(仲) 有日光，又未有客阻住，影啲街景幾有風味，非常適合影黎post相。同事揀左食三樣嘢，居然有兩樣鹹蛋菜式，我估佢係超鍾意食鹹蛋...近來鹹蛋味嘅嘢的確係大熱，周圍 (連快餐同炸雞嗰啲) 都出鹹蛋食品，雖然唔係啲咩新奇嘢，但係可以一試。第一個係店員推介嘅黄金龍蝦 ($298)，有跟湯或沙律、飲品同甜品 - 但唔記得影相)，講真係幾貴嘅...個鐵板好熱，佢一出菜到上到枱都出煙同滋滋聲，仲好香添，不過我地影相影都玩左一兩分鐘，到真係食嘅時候先落汁，底下啲麵燶燶地同乾...龍蝦肉都算多，有七八舊，亦算大舊，肉質彈牙!但係唔算好重鹹蛋味喎，個龍蝦味汁幾香，味道唔錯，夾埋啲麵同配菜都幾惹味。跟住係金沙黄金薯條 ($58)，鹹蛋味唔係好突出，不過配嗰個黑松露醬就好好食，變左主要係食啲醬。第三
哩度環境唔錯，坐到窗邊高枱(仲) 有日光，又未有客阻住，影啲街景幾有風味，非常適合影黎post相。
同事揀左食三樣嘢，居然有兩樣鹹蛋菜式，我估佢係超鍾意食鹹蛋...近來鹹蛋味嘅嘢的確係大熱，周圍 (連快餐同炸雞嗰啲) 都出鹹蛋食品，雖然唔係啲咩新奇嘢，但係可以一試。
第一個係店員推介嘅黄金龍蝦 ($298)，有跟湯或沙律、飲品同甜品 - 但唔記得影相)，講真係幾貴嘅...個鐵板好熱，佢一出菜到上到枱都出煙同滋滋聲，仲好香添，不過我地影相影都玩左一兩分鐘，到真係食嘅時候先落汁，底下啲麵燶燶地同乾...龍蝦肉都算多，有七八舊，亦算大舊，肉質彈牙!但係唔算好重鹹蛋味喎，個龍蝦味汁幾香，味道唔錯，夾埋啲麵同配菜都幾惹味。
跟住係金沙黄金薯條 ($58)，鹹蛋味唔係好突出，不過配嗰個黑松露醬就好好食，變左主要係食啲醬。
第三樣係法式焗田螺($88) ，港式西餐必備 ! 前兩項都算好食，但硬係差少少，哩個我就比好高分，六粒田螺肉大隻，basil汁夠味，再加埋熱辣辣焗起嘅薯蓉，撈啲田螺汁，又滑又香。
兩個人咁樣食三樣嘢都幾飽，返到屋企都唔駛再食嘢。鹹蛋系列就OK啦，個田螺係讚嘅，令成餐加哂分。另外佢仲有好多鐵板菜式，下次有機會經過又等到位先試。
Post
